‘Kombisa cichavo ka vapswali va wena’

A cikhati leci Jesu a nga hi laha misaveni, i khanyisile a cileletelo ca ku: “Chava raru wa wena ni nyine wa wena.” (Ek 20:12; Mt 15:4) Jesu i wulile lezvo na a tlhatlhekile hakuva ‘i wa ingisa’ a vapswali vakwe a cikhati a nga hi muswa. (Lu 2:51) Laha a nga hi wa hombe, i mahile malulamiselo yaku a mamani wakwe a sala a hlayisiwa andzhako ka kufa kakwe. — Jo 19:26, 27.

Masikwini ya hinawu, a vaswa va maKristu va nga nyika wudzundzo a vapswali vabye hi ku wulawula navo hi cichavo ni ku va ingisa. Niku a cileletelo ca ku nyika wudzundzo a vapswali va hina, ca wutomi gontlhe. Hambu loku va khosahele, hi fanele ku simama ku va nyika wudzundzo hi ku tirisa wutlhari gabye. (Mav 23:22) A ndlela yin’wani ya ku nyika wudzundzo a vapswali va hina va khosaheleko ku va tiyisa hi magezu ni ku va hlayisa. (1 Ti 5:8) Kani hi vaswa kani hi va hombe, a ku simama kuva ni kubhulisana ku nene ni vapswali va hina i ndlela ya ku va nyika wudzundzo.

WONA VHIDHYU YA ZVIBHONEKANA YAKU NDZI NGA BHULISA KUYINI NI VAPSWALI VA MINA? U GUMESA U HLAMULA ZVIWUTISO ZVI LANDZELAKO:

• Hikuyini zvi nga tshukako zvi ku karatela ku bhula ni vapswali va wena?

• U nga va nyikisa kuyini wudzundzo a vapswali va wena a cikhati u bhulako navo?

  

• Hikuyini zvi nga zva lisima a ku ti karatela ku bhula ni vapswali va wena? (Mav 15:22)