Wa vhuneka hi ku tirisa a cibhukwana Hlola Mitsalo siku ni siku?

Xana a longoloko wa wena wa zvilo zva moya wa patsa ku lera Bhibhiliya ni tlhamuselo wu nga ka cibhukwana Hlola Mitsalo siku ni siku? Loku ku hi ku ahihi, xana u nga zvi patsa ka longoloko wa wena? A votala va kambisisa a mutsalo wa siku ni mixo kasi va ehleketa hi mutsalo lowo laha va ti mahelako a mitiro yabye ya siku ni siku. (Jox 1:8; Lis 119:97) U nga mahisa kuyini kasi u vhuneka nguvhu kugondzeni ka wena a Mutsalo wa siku? Lera cipandze contlhe ca vhesi ga Bhibhiliya ci yelanako ni matimu ya kona. Zama ku alakanyela hi matimu ya Bhibhiliya lawa ma tlhamuselako tshinya ga nayo legi gi dlunyatisilweko laha ka mutsalo. Zvonake, tirisa a tshinya lego wutomini ga wena wutsumbu. Loku a Mhaka ya Nungungulu yi khumba zviboho zva wena, yi ta rangela wutomi ga wena niku u ta vhuneka. — Lis 119:105.

A ngango wa Bheteli misaveni yontlhe wu gondza a cibhukwana Hlola Mitsalo siku ni siku hi cikhati ca ni mixo. Ka malembe lawa, a kutala ka tivhidhyu leto ta cheliwa lomu ka JW Broadcasting^® ka cipandze ca MILONGOLOKO NI ZIMAHO. Hi gihi a khati go gumesa u wonileko vhidhyu yin’we kutani tontlhe? Kuzvilava a kutala ka tivhidhyu leti ti ni lezvi u zvi lavako. Hi cikombiso, a matimu ya Loti ma nga khumbisa kuyini a zviboho zva wena?

WONA A VHIDHYU U NGA RANDZI TIKO (1JO 2:15) U GUMESA U HLAMULA ZVIWUTISO LEZVI:

• Matshinya muni ya milayo ma patsekako ka wukhozeli legi ga ni mixo?

• A matimu ya Loti ma tlhamusela mhango ya kurandza tiko ni zvilo zva gona hi ndlela muni? — Gen 13:12; 14:12; 19:3, 12, 13, 24-26

• Hi nga kombisisa kuyini lezvaku hi randza Jehovha niku a hi randzi a tiko ni zvilo zva gona?