MAHANYELA YA WUKRISTU
A migotsovanyano cikhati ca ku kombisa lirandzo
Hikuyini hi yi tsakelako nguvhu a migotsovanyano ya hina? A kufana ni le Izrayeli wa kale, a migotsovanyano ya hina nyamutlha yi hi nyika thomo ga ku khozela Jehovha na hi hi ni vamakabye va hina va talela ga cima. Hi zvi randza nguvhu a zvakuga lezvo zva moya zvi hi vhunako ku tiyisa wunghana ga hina na Jehovha. Ha ci nyika nguvhu lisima kambe a cikhati leci hi mbhetako ni vamakabye ni maxaka ya hina. Lezvo zvi hi kuca ku maha zvontlhe hi zvi kotako kasi hiva kona masiku wontlhe ya manharu.
A cikhati leci hi tlhangeneko ni van’wani, zvi lava ku hi nga alakanyeli lezvi hina hi vhunekisako zvona basi; kanilezvi hi hlota tindlela ta ku kombisa lirandzo ka van’wani. (Gal. 6:10; Mah. 10:24, 25) Loku hi vekisa wutshamu legi hi to gi tirisa basi, hi komba lezvaku hi rangisa kutshamiseka ka van’wani. (Filp. 2:3, 4) A migotsovanyano yi hi vhululela ndlela ya ku chata vanghana vaswa. Na yi nga se sangula mitlhangano, ni loku yi mbhelile, ni cikhati ca ku humula, hi nga zama ku tivana ni vokari hi nga va tiviko. (2 Kor. 6:13) A wunghana lego hi to chata, gi nga tshama kala kupindzuka! A ca hombe ka zvontlhe, lava va hi wonako na hi kombisa lirandzo la lisine va nga hi navela, va ti patsa na hina hi khozela Jehovha.—Joh. 13:35.
WONA A VHIDHIO MIGOTSOVANYANO YA MATIKO MANYINGI: “A LIRANDZO LI NGA TA FUVA”! U GUMESA U HLAMULA ZVIWUTISO LEZVI:
A lirandzo li kombisilwe hi ndlela muni ka vapfhumba lava va nga hi gotsovanyanweni wa matiko manyingi wa 2019?
Hikuyini a kuzwanana ni lirandzo la vanhu va Jehovha zvi hlamalisako nguvhu?
A vamakabye va hubye yi fumako va kombisile kuyini a lirandzo la wuKristu?
U nga kombisisa kuyini lirandzo migotsovanyanweni ya hina?
A vakamabye va le Alemanya ni le Coreia do Sul va li kombisisile kuyini a lirandzo la wuKristu?
Zvini hi faneleko ku ti yimisela ku maha?