A zvivangwa zvi hi vhuna ku tsumba wutlhari ga Jehovha

Contlhe cikhati Jehovha wa zvi tiva lezvi zvi nga zvi nene ka hina ke? Ina, wa zvi tiva. Loku hi kholwa lezvo hi tlhela hi zvi kombisa hi ku ingisa wusungukati gakwe, hi kombisa wutlhari. (Mav. 16:3, 9) Hambulezvo, loku a zvileletelo zvakwe zvi hambana ni mawonela ya hina, hi nga tshuka hi ringwa ku nga zvi tsumbi. Loku hi ehleketa hi zvivangwa zva Jehovha, hi ngaya hi gi tsumba nguvhu a wutlhari gakwe. — Mav. 30:24, 25; Rom. 1:20.

SIXTIRA VHIDHIO ZVI NO VANGIWA KE? — ZVI MAHISA KUYINI KU A TISOKOTI TI NGA TLIMBANI A CIKHATI TI FAMBAKO?, U GUMESA U HLAMULA ZVIWUTISO LEZVI:

• Zvini lezvi a tisokoti to tala ti mahako siku ni siku?

• A tisokoti ti mahisa kuyini kasi ti nga vhalelani ndlela?

• Zvini lezvi a vanhu va nga zvi pimanyisako ka lezvi ti fambisako zvona?

SIXTIRA VHIDHIO ZVI NO VANGIWA KE? — A HAHELA GO HLAMALISA GA NYOXI, U GUMESA U HLAMULA ZVIWUTISO LEZVI:

• Zvikarato muni a vanhu va kumanako nazvo a cikhati va fambisako a avhiyawu wa wutsongwani?

• Zvini yi mahako nyoxi kasi yi nga kokiwi hi moya a cikhati yi hahako?

• A vanhu va nga tshuka va vhunekisa kuyini hi wutlhari ga nyoxi cikhatini ci tako?

Zvivangwa muni zvi nga kona lomu u hanyako zvi ku vhunako ku wona wutlhari ga Jehovha?