MAHANYELA YA WUKRISTU

Tindlela tinharu ta ku kombisa ku hi tsumba Jehovha

Dhavhidha i hlulile Goliyate hakuva i wa tsumba Jehovha. (1 Sam. 17:45) Jehovha i lava ku tirisa a ntamu wakwe kasi ku vhuna lava va mu tirelako. (2 Kro. 16:9) Hi yihi ndlela ya ku kombisa ku hi tsumba ku vhuniwa hi Jehovha, a hi tsumbi wutlhari ga hina? A tinharu ta kona hi leti:

Randza ku khongela. U nga khongeli basi loku u wonhile kasi u kombela ku tsetselelwa. Kanilezvi, khongela ni loku u kombela ntamu loku u ringiwa ku maha zvakubiha. (Mat. 6:12, 13) U nga khongeli basi u kombela ku Jehovha a katekisa zviboho lezvi u mahileko. Kanilezvi, khongela kambe na u nga se maha zviboho kasi Jehovha a ku nyika wutlhari ni ku ku rangela. — Jak. 1:5
Randza ku lera ni ku gondza Bhibhiliya. Lera Bhibhiliya siku ni siku. (Lis. 1:2) Ehleketa hi zvikombiso zva vanhu va kumbukiwako lomu ka Bhibhiliya u tlhela u tirisa lezvi u nga gondza. (Jak. 1:23-25) Ranga hi ku ti longisela loku u lava ku chumayela, u nga tsumbi wutlhari ga wena. Vhuxeta mitlhangano kasi u vhuneka khwatsi ka yona
U nga sali ndzhako ni hlengeletano ya Jehovha. Tiva zvileletelo zvo gumesa zva hlengeletano ya Jehovha u tlhela u tekela ku zvi landzela. (Mitse. 9:17) Loku a madhota ma ku nyika wusungukati ni zvileletelo, ingisa. — Mah. 13:17

Maphoyisa ma khomako makabye ma ya mu vhalela na ma cuwukiselwa hi vahaxi va mahungu ni vamakabye van’wani.

SIXTIRA VHIDHIO U NGA CHAVI KU VHUKELWA, U GUMESA U HLAMULA ZVIWUTISO LEZVI:

• Zvini lezvi a vamakabye va nga kari va zvi chava?

• Cini ci nga va vhuna ku va nga ha chavi?