Gondza ku ti khoma loku u hi ni kunavela ko kari

Kota vanhu vo kala kumbhelela, contlhe cikhati zvi lava ku hilwa kasi hi fumela kunavela ka hina. Loku hi hi vanhu va ku ti mahela ni cihi hi ci lavako, hi nga tshuka hi luza wunghana ga hina na Jehovha. Hi cikombiso, a vokari va navela zvakuga, kuva ni tinguwo, ni muti laha ka kuza a kunavela loko kuva ka hombe ku hundza lirandzo labye hi Nungungulu. A van’wani va ti tsakisa hi tlhelo ga masango na va nga hi na mhaka hi milayo ya Nungungulu. (Rom. 1:26, 27) A van’wani kambe va vhumela ku khube va maha lezvi a vanghana va mahako hi ku lava ku tsakelwa. — Ekso. 23:2.

Hi yihi ndlela ya ku ti khoma loku u hi ni kunavela ko kari? Hi fanele ku maha zvontlhe hi zvi kotako kasi hi veka kupima ka zvilo zva moya. (Mat. 4:4) Hi fanele ku kombela Jehovha kambe lezvaku a hi vhuka ku ti khoma. Hikuyini? Hakuva yena wa zvi tiva lezvi zvi nga zvi nene ka hina ni ndlela ya yi nene ya ku tatisa kunavela ka hina ka kunene. — Lis. 145:16.

SIXTIRA VHIDHIO U NGA TI WONHELI WUTOMI GA WENA HI KU DZAHA, U GUMESA U HLAMULA ZVIWUTISO LEZVI:

• 

  Hikuyini a vokari va dzahako?

• 

  Hi yihi mhango ya ku dzaha?

• 

  Hikuyini a ku dzaha zvi nga hiko zvi nene? — 2 Kor. 7:1

• 

  Hi yihi ndlela ya ku ala ku dzaha kutani ku zvi tsika?