1-7 KA ABRIL
TISIMU 23-25
Lisimu 4 ni mukhongelo | Magezu yo vhulula mutlhangano (1 min.)
1. ‘Jehovha hi murisi wa mina’
(10 min.)
Jehovha wa hi rangela (Lis. 23:1-3; Sentinela 01/05/11 paj. 31 par. 3)
Jehovha wa hi vhikela (Lis. 23:4; Sentinela 01/05/11 paj. 31 par. 4)
Jehovha wa hi gisa (Lis. 23:5; Sentinela 01/05/11 paj. 31 par. 5)
Jehovha wa khatalela a malandza yakwe a ku khwatsi hi lezvi a murisi wa lirandzo a khatalelako tiyivhu takwe.
TI WUTISE LEZVI, ‘Jehovha i ndzi khatalelisile kuyini?’
2. Titshomba ta moya
(10 min.)
Lis. 23:3 — Zvini a “tindleleni to lulama”, niku zvini zvi to hi vhuna ku nga hambuki ka tona? (Sentinela 15/02/11 paj. 24 par. 1-3)
I tshomba muni ya moya u tsakelako ku hi byela u yi kumileko ka zvipimo lezvi hi nga nyikilwe ku lera a vhiki legi?
3. Ku lera Bhibhiliya
(4 min.) Lis. 23:1–24:10 (Gondzisa khwatsi, cig. 5)
4. Sangula mabhulo
(3 min.) WUKUSTUMUNYU GA CITSHUKETI. Wulawula hi vhesi go kari go tiyisa ga Bhibhiliya ni munhu loyi a ku byelako ku wa karateka hi kota ya ku chava ku a misava yi tshuka yi lova. (Randza vanhu cig. 2, mhaka 5) (hi ciPutukezi)
5. Hlakulela kutsakela kabye
(4 min.) HI MUTI NI MUTI. Komba wokari a nga amukela a broxura Ti buze hi wutomi kala kupindzuka! lezvi ci mahisiwako zvona a cigondzo ca Bhibhiliya. (Randza vanhu cig. 9, mhaka 3) (hi ciPutukezi)
6. Maha vapizani
(5 min.) Bhuku Ti buze hi wutomi cig. 14 mhaka ya wu 4 (hi ciPutukezi) (Randza vanhu cig. 11, mhaka 3) (hi ciPutukezi)
Lisimu 54
7. Hi ala a gezu ga munhu hi nga mu tiviko
(15 min.) Mabhulo.
A tiyivhu ta civiri ta gi tiva a gezu ga murisi wa tona niku ta mu landzela. Hi tlhelo gin’wani, ta tsutsuma loku tizwa a gezu go kala ku gi tiva. (Joh. 10:5) Hi ndlela yo fana, ha ingisa a gezu ga varisi va hina va moya, va lirandzo, ni vo tsumbeka, Jehovha na Jesu. (Lis. 23:1; Joh. 10:11) Kanilezvi hi ala a magezu hi nga ma tiviko ya lava va zamako ku mbheta kukholwa ka hina hi ku tirisa “magezu ma kanganyisako.” — 2 Ped. 2:1, 3.
Genesisi cipimo 3 i tlhamusela a khati go sangula legi ku nga zwala a gezu go kala ku tiviwa laha misaveni. Sathani i wulawulile na Evha hi ku tirisa nyoka kasi a nga zvi tivi a ku himani a wulawulako naye hi lisine. Na a ti maha ku khwatsi munghana wakwe, i no hemba xungetano hi magezu ni zvigelo zva Jehovha. Leci ci nga tsakisiko, hi ku Evha i hlawulile ku mu ingisa, niku lezvo zvi va vangele kuxaniseka ka hombe nguvhu yena ni ngango wakwe.
Inyamutlha, Sathani i zama ku hi maha hiva ni ku kanakana xungetano hi Jehovha ni hlengeletano yakwe hi ku hangalasa mahungu yo hi chakisa, yo kala ma nga hi lisine khwatsi ni mawunwa yo kongoma. Loku hizwa gezu go kala hi nga gi tivi, hi fanele ku tsutsuma! A ku gi ingisela, hambu loku ku hi kunavela ku gizwa zva cikhatana, zvi ni mhango. Magezu mangani zvi nga lava ku Sathani a ma tirisa kasi ku khohlisa Evha ka bhulo gabye ga cikhatana? (Gen. 3:1, 4, 5) Kanilezvi, ahati loku a munhu wo kari hi mu tivako — a hi randzako ni ku hi xuvela zva zvinene — a lava ku hi byela mahungu ya hava xungetano hi hlengeletano ya Jehovha?
Bisa VHIDHIO Ala a gezu ‘ga munhu u nga mu tiviko’. Gumesa u wutisa vaingiseli, uku:
U gondza yini ka ndlela leyi Rosa a nga yi tirisa laha a mamani wakwe a nga kholwiko a nga lava ku mu byela a mahungu ya hava hi hlengeletano ya Jehovha?