29 KA ABRIL–5 KA MAIO
TISIMU 34-35
Lisimu 10 ni mukhongelo Magezu yo vhulula mutlhangano (1 min.)
1. ‘Dhumisa Jehovha wontlhe masiku’
(10 min.)
Dhavhidha i dhumisile Jehovha hambu ka cikhati leci a nga kumana ni zvikarato (Lis. 34:1; Sentinela 01/03/07 paj. 22 par. 11)
Dhavhidha i wa ti dzundza hi Jehovha, na ku nga hi hi yena wutsumbu (Lis. 34:2-4; Sentinela 01/03/07 paj. 22 par. 13)
A magezu ya kudhumisa ya Dhavhidha ma tiyisile vanghana vakwe (Lis. 34:5; Sentinela 01/03/07 paj. 23 par. 15)
Andzhako ka loku Abhimeleki a tlhatlhisile Dhavhidha, a 400 wa vavanuna lava va nga kala va nga tsakisiwi hi wuhosi ga Sawule va no ti patsa na Dhavhidha le ciwuleni. (1 Sam. 22:1, 2) Kuzvilava Dhavhidha i wa kari a ehleketa hi vavanuna lavo a cikhati a nga tsala lisimu leli. — Lis. 34, magezu ya laha hehla ka cipimo.
TI WUTISE LEZVI, ‘Ka mutlhangano wa bandla wu landzelako, ndzi nga mu dhumisisa kuyini Jehovha a cikhati leci ndzi bhulako ni wokari?’
2. Titshomba ta moya
(10 min.)
Lis. 35:11 — Zvini zvi humeleleko masikwini ya Jesu, kota lezvi zvi phrofetilweko ka vhesi legi? (Murindzeli 01/08/11 paj. 16 par. 9)
I tshomba muni ya moya u tsakelako ku hi byela u yi kumileko ka zvipimo lezvi hi nga nyikilwe ku lera a vhiki legi?
3. Ku lera Bhibhiliya
(4 min.) Lis. 34:1-22 (Gondzisa khwatsi, cig. 5)
4. Sangula mabhulo
(2 min.) WUKUSTUMUNYU GA CITSHUKETI. A bhulo gi gumesa na u nga nyikangi wukustumunyu. (Randza vanhu cig. 1, mhaka 4) (hi ciPutukezi)
5. Hlakulela kutsakela kabye
(4 min.) WUKUSTUMUNYU GA CITSHUKETI. (Randza vanhu cig. 2, mhaka 4) (hi ciPutukezi)
6. Tlhamusela lezvi u zvi kholwako
(5 min.) Mukombiso. ijwfq 59 — Hloko ya mhaka: A Vakustumunyu va Jehovha va zvi tivisa kuyini ku a feriyadho yo kari ya amukeleka? (Gondzisa khwatsi, cig. 17)
Lisimu 59
7. Tindlela tinharu to dhumisa Jehovha mitlhanganweni
(15 min.) Mabhulo.
A mitlhangano ya bandla yi hi nyika lungelo ga ginene ga ku dhumisa Jehovha. Wona tindlela tinharu.
Mabhulo: Wulawula hi wunene ga Jehovha a cikhati leci u bhulako ni van’wani. (Lis. 145:1, 7) U zwile kutani ku lera mhaka yo kari yo kongoma yi ku vhunileko? U na ni tshango go kari ga ginene u gi kumileko ntirweni wo chumayela? Ku na ni wokari a nga wula kutani ku maha zvilo zvi ku tiyisileko? U wonile zvokari zvi ku hlamalisileko ka zvivangwa? Zvontlhe a zvilo lezvo zvinyikiwo zvi tako hi ka Jehovha. (Jak. 1:17) Hatlisa u chikela kasi u tava ni cikhati ca ku bhula ni van’wani.
Mihlamulo: Zama ku hlamula a khati gin’we hi wutsongwani ga kona ka mutlhangano wun’we ni wun’wani. (Lis. 26:12) U nga nyikela hlamulo wo kongoma wa ciwutiso kutani hlamulo wo engetela, ku tlhamusela mutsalo, mifota kutani ku wula lezvi u nga ma tirisisako zvona mahungu lawo. Kota lezvi a van’wani kuzvilava va to tlakusa mawoko loku wenawu u tlakusa, longisela mihlamulo yo tala. A votala va ta zvi kota ku ‘nyika Nungungulu a muphahlo wa kudhumisa’ loku a mihlamulo ya hina yiva ya 30 wa tisegundo kutani ku nga chikeli. — Mah. 13:15.
Tisimu: Yimbelela tisimu ta Mufumo hi kutsaka. (Lis. 147:1) Zva koteka ku kuzvilava u nga nyiketiwi ku hlamula ka mutlhangano wontlhe, nguvhunguvhu loku a bandla ga wena gi hi ga hombe, kanilezvi contlhe cikhati u nga patseka ka ku yimbelela tisimu. Hambu loku u alakanya ku a wu yimbeleli khwatsi, loku u yimbelela hi mbilu yontlhe, tiyiseka lezvaku u ta mu tsakisa Jehovha! (2 Kor. 8:12) U nga ti longisela hi ku vhuxeta tisimu na u hi kaya.
Bisa VHIDHIO Fambela ga matimu ya hina — Cinyikiwo ca ku yimbelela, Cipandze 1. Gumesa u wutisa vaingiseli, uku:
Kusanguleni ka hlengeletano ya masikwini ya hina, hi zvi kombisile kuyini lezvaku a ku dhumisa Jehovha hi ku yimbelela zva lisima?