17-23 KA MARÇO
MAVINGU 5
Lisimu 122 ni mukhongelo | Magezu yo vhulula mutlhangano (1 min.)
1. U nga mahi wubhayi
(10 min.)
A wubhayi gi ngava ciringo ca hombe (Mav. 5:3; Sentinela 15/07/00 paj. 29 par. 1)
A ku maha wubhayi zvi maha ku u ti sola u tlhela uzwa kubayisa (Mav. 5:4, 5; Sentinela 15/07/00 paj. 29 par. 2)
U nga mahi wubhayi (Mav. 5:8; Sentinela 15/07/00 paj. 29 par. 5)
Makabye wa cisati a alako ku nyikela a numero yakwe ka jaha
2. Titshomba ta moya
(10 min.)
Mav. 5:9 — A ku maha wubhayi zvi maha ku u nyikela “wudzundzo ga wena ka van’wani” hi ndlela muni? (Sentinela 15/07/00 paj. 29 par. 7)
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?
3. Kulera ka Bhibhiliya
(4 min.) Mav. 5:1-23 (Gondzisa khwatsi, cig. 5)
4. Ku sangula mabhulo
(3 min.) WUKUSTUMUNYU GA LAHA KUBASENI. Ramba wokari wa wukhongeli go kala gi nga hi ga wuKristu lezvaku ata Cialakanyisweni, u tlhela u tirisa a jw.org kasi ku kuma wutshamu ga laha kusuhani naye. (Randza vanhu cig. 6 mhaka ya wu 4)
5. Ku hlakulela kutsakela
(4 min.) HI MUTI NI MUTI. Ka khati gi nga hundza a munhu loye i vhumele ku amukela kovhinte ya Cialakanyiso a tlhela a kombisa kutsakela. (Randza vanhu cig. 9 mhaka ya wu 5)
6. Ku maha vapizani
(5 min.) Bhuku Ti buze hi wutomi cig. 16, lezvi hi nga gondza, ni zviwutiso zva kuvhuxeta, ni laha ka ku zama ku maha lezvi. A cigondzani ci ku wutisa ku Jesu i wa chadhile ke; ci kombe lezvi ci nga kambisisako zvona kasi ci kuma hlamulo wa ciwutiso leco. (Randza vanhu cig. 11 mhaka ya wu 4)
Lisimu 121
7. Ti wonele kasi u simama u basile a cikhati leci u namorarako
(15 min.) Mabhulo.
A kunamorara ku nga wuliwa “a cikhati leci a wanuna ni wasati va ci mbhetako zvin’we na va kombisana lirandzo”. Va ngava va hi voce kutani ni vanhu van’wani; laha kubaseni kutani cihundleni, hi ku fonelana kutani hi ku tsalelana timesaji. A kunamorara a hi zvi woni kota zvilo zvo hlakana, kanilezvi kota zambo ga lisima gi yisako ka muchadho. Zvini zvi nga vhunako vaswa kutani vanhu va kulileko lezvaku va nga weli ka wubhayi a cikhati leci va namorarako? — Mav. 22:3.
Bisa VHIDHIO Ti longisele kasi ku chadha — Cipandze 1: Ndzi longile ku namorara? — Cipandzana. Hi kulandzela u maha zviwutiso lezvi:
Hikuyini a munhu a nga faneliko ku sangula ku namorara na a nga se longa ku chadha? (Mav. 13:12; Luka 14:28-30)
Cini ci ku tsakisileko ka ndlela leyi a vapswali lava va vhunileko hi yona a nhanyana wabye?
Lera Mavingu 28:26. Hi kulandzela u maha zviwutiso lezvi:
Zvini lezvi lava va namorarako va nga mahako na ka ha hi mahlweni kasi va potsa ku wela ka wubhayi?
Hikuyini zvi nga wutlhari a ku lava va namorarako va ti vekela mimbhingano ya lezvi va nga kombisanisako zvona lirandzo, zvo kota ku khomana mandla ni ku pswopswana?
Lera Va Le Efesusi 5:3, 4. Hi kulandzela u maha ciwutiso leci:
Zvini lezvi lava va namorarako va faneleko ku zvi alakanya a cikhati leci va bhulako hi telefone kutani hi internet?
8. Cigondzo ca Bhibhiliya ca bandla
(30 min.) Murindzeli 06.21 ndzima n.° 24 par. 6-13