28 KA ABRIL–4 KA MAIO

TITSHOMBA TI NGA KA MHAKA YA NUNGUNGULU

1. U nga tshuki u wula zvilo lezvi!

(10 min.)

U nga tshuki u wula zvilo zvi to khunguvanyisa “muakelani” wa wena (Mav. 11:9; Sentinela 15/05/02 paj. 26 par. 4)

U nga tshuki u wula zvilo zvi to vanga kuhambana (Mav. 11:11; Sentinela 15/05/02 paj. 27 par. 2-3)

U nga wuli timhaka ta cihundla (Mav. 11:12, 13; Sentinela 15/05/02 paj. 27 par. 5)

Vamakabye vambiri va bhulako lomu Salawini ya Mufumo. A mun’we wabye i wulawula zva hava hi makabye loyi a tshinelako laha va nga kona.

KASI KU EHLEKETA: A magezu ya Jesu ma nga ka Luka 6:45 ma hi vhunisa kuyini ku hi nga wuli magezu yo tlhava?

2. Titshomba ta moya

(10 min.)

Mav. 11:17 — A ku kombisa wunene zvi hi vhunisa kuyini? (Khindlimuka! 20.01 paj. 11, kwadru)

Hlamulo wa wena
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?

Hlamulo wa wena

3. Kulera ka Bhibhiliya

(4 min.) Mav. 11:1-20 (Gondzisa khwatsi, cig. 5)

TI TSITSIRITE NTIRWENI WA KUCHUMAYELA

4. Ku sangula mabhulo

(4 min.) WUKUSTUMUNYU GA CITSHUKETI. Hlota ndlela ya ku byela munhu loye a zvilo zvo kari u zvi gondzileko mutlhanganweni zvezvanyana. (Randza vanhu cig. 2 mhaka ya wu 4)

5. Ku hlakulela kutsakela

(4 min.) WUKUSTUMUNYU GA CITSHUKETI. Bhulani hi vhidhio yi nga lomu ka feramenta ya hina ya ku gondzisa hi yona. (Randza vanhu cig. 8 mhaka ya wu 3)

6. Ku maha vapizani

(4 min.) WUKUSTUMUNYU GA LAHA KUBASENI. Sangula cigondzo ca Bhibhiliya. (Randza vanhu cig. 10 mhaka ya wu 3)

MAHANYELA YA WUKRISTU

7. U nga tsiki mbilu ya wena yi hohlola kurula

(15 min.) Mabhulo.

Kota lezvi hi nga vanhu vo kala kumbhelela, ha phazama hi magezu ya hina. (Jak. 3:8) Hambulezvo, loku hi ehleketa hi zvikarato lezvi zvi nga vangiwako hi ku wula zvilo zva hava zvi ta hi vhuna ku hi nga wuli zvilo zva ku hi gumesa hi ti sola. A mawulawulela lawa ma landzelako ma nga hohlola a kurula ka bandla:

Ku ti kulisa: A magezu ya ku ti kulisa ma nga vanga mapalisana ni matshoho. — Mav. 27:2
Mawunwa. A mawunwa a ku wuliwi ku hemba basi, kanilezvi ma patsa ku wula zvilo zvo kanganyisa van’wani. Hambu mawunwa ya zvilo zva zvitsongwani ma maha ku a van’wani va nga ha hi tsumbi ma tlhela ma wonha wumunhu ga hina. — Mutsh. 10:1
Mahlevo. A mahlevo ku bhula hi wutomi ga van’wani, zvi patsako ku wulawula zvilo zvo kala zvi nga hi lisine ni ku bhoxa zvihundla. (1 Tim. 5:13) Ma nga vanga tiholova ni kuhambana
Magezu yo tlhava. Magezu lawa a munhu a wulako hi ku kala ku ti khomi a byela munhu a mu swirileko. (Efe. 4:26) Ma nga vanga kuba yisa. — Mav. 29:22

Mifota ya vhidhio “‘Tsikani’ lezvi zvi wonhako kurula —⁠ Cipandzana.” 1. Fátima na Célia va tshamile va cuwukana na vanwa kafe. Celia i wona lezvi Alia a nga postara lomu ka ma rede sociais. 2. Alia i wulawula na Celia Salawini ya Mufumo na a zangarile.

Bisa VHIDHIO “Tsikani” lezvi zvi wonhako kurula — Cipandzana. Hi kulandzela u maha ciwutiso leci:

Zvini u gondzileko xungetano hi lezvi zvi olovisako zvona ku a magezu ya hina ma hohlola kurula ka bandla?

Hlamulo wa wena

Kasi ku wona lezvi u nga vhuxisako zvona kurula, sixtira vhidhio ‘Hlota kurula u ku landzela’.

8. Cigondzo ca Bhibhiliya ca bandla

(30 min.) Bhuku Ti buze hi wutomi cigondzo 05