5-11 KA MAIO

TITSHOMBA TI NGA KA MHAKA YA NUNGUNGULU

1. A ku tira hi kutikarata zvi na ni nchachazelo

(10 min.)

U nga xakeli cikhati na u hlongolisela zvilo zvi nga vhuniko nchumu (Mav. 12:11)

Tira hi kutikarata u tlhela u ti tsitsirita (Mav. 12:24; Murindzeli 06.16 paj. 31 par. 1)

U ta chachazelwa hi kutikarata ka wena (Mav. 12:14)

Mifota: Makabye a tirako hi kutikarata kota mufaseli wa titubhu tlhela a tira hi kutikarata ka mitiro ya moya. 1. O famba ni tiferamenta takwe. 2. O tirisa a bhobhochwani kasi ku fasa a tubhu ya hombe. 3. I mutlhanganweni wa bandla ni ngango wakwe. Yena ni nhanyana wakwe va tlakusile mawoko kasi ku hlamula. 4. I tirisa ciphephana kasi ku chumayela wanuna a nga ntirweni wakwe.

MAWONELA: A ku tira hi kutikarata zvi nga vhuna loku hi veka kupima ka lezvi a van’wani va vhunekisako zvona hi ntiro lowo. — Miti. 20:35; Murindzeli 01/02/15 paj. 5 par. 4-6.

2. Titshomba ta moya

(10 min.)

Mav. 12:25 — Hi nga wu tirisisa kuyini a ntamu lowu a magezu ma nga nawo kasi ku vhuna van’wani? (Murindzeli 09.24 paj. 28 par. 10)

Hlamulo wa wena
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?

Hlamulo wa wena

3. Kulera ka Bhibhiliya

(4 min.) Mav. 12:1-20 (Gondzisa khwatsi, cig. 5)

TI TSITSIRITE NTIRWENI WA KUCHUMAYELA

4. Ku sangula mabhulo

(2 min.) HI MUTI NI MUTI. (Randza vanhu cig. 1 mhaka ya wu 4)

5. Ku sangula mabhulo

(3 min.) HI MUTI NI MUTI. Mu rambe lezvaku u gondza naye Bhibhiliya. (Randza vanhu cig. 5 mhaka ya wu 4)

6. Ku hlakulela kutsakela

(3 min.) WUKUSTUMUNYU GA CITSHUKETI. Komba munhu a nga ni vana a saite ya hina. (Randza vanhu cig. 9 mhaka ya wu 3)

7. Ku tlhamusela lezvi u zvi kholwako

(3 min.) Mukombiso. Lezvi va talako ku wutisa, ndzima n.° 3 — Hloko ya mhaka: Wa kholwa lezvaku u ka wukhongeli ga lisine? (Randza vanhu cig. 4 mhaka ya wu 3)

MAHANYELA YA WUKRISTU

8. Jehovha i ta ku vhuna ku yimisana ni zvikarato zva timali

(15 min.) Mabhulo.

Wa karateka hi ku lava ntiro, ku luza ntiro kutani hi ku kala u nga hi na mali yo enela yo ti hlayisa hi yona zvezvi ni loku u ta khosahala? A ciyimo ca tiko ca timali ci nga cica hi kuhatlisa. Hambulezvo Jehovha i hi tiyisekisa lezvaku loku hi rangisa yena wutomi ga hina, contlhe cikhati i ta khatalela zvilaveko zva hina hambu loku a ciyimo ca hina ci cica hi citshuketi. — Lis. 46:1-3; 127:2; Mat. 6:31-33.

Mifota ya vhidhio “Jehovha wa hi khatalela contlhe cikhati”. Hi makabye Alvarado a nga khoma a woko ga sati wakwe a cikhati leci a khongelako ni ngango wakwe.

Bisa VHIDHIO Jehovha wa hi khatalela contlhe cikhati. Hi kulandzela u maha ciwutiso leci:

Zvini u gondzako ka matimu ya makabye Alvarado?

Hlamulo wa wena

Lera 1 Timote 5:8. Hi kulandzela u maha ciwutiso leci:

A vhesi legi gi tiyisisa kuyini a kutsumba ka wena ka lezvaku contlhe cikhati Jehovha i ta khatalela zvilaveko zva vakhozeli vakwe?

Hlamulo wa wena

Wona matshinya yo kari ya milayo ya Bhibhiliya ma nga ku vhunako ku yimisana ni zvikarato zva timali:

Olovisa wutomi. Potsa ku maha mangava na ku nga hi na cilaveko u tlhela u hungula a mali leyi u yi tirisako.— Mat. 6:22
Maha zviboho xungetano hi ntiro ni cikola lezvi zvi to ku vhuna ku u rangisa zvilo zva moya. — Filp. 1:9-11
Ti koramise u tlhela u ti zwananisa ni zviyimo. Loku u mbhelelwa hi ntiro, ti yimisele ku maha ni wihi ntiro — hambu loku wu hi wa lahasi — lowu wu to ku vhuna ku khatalela zvilaveko zva ngango wa wena. — Mav. 14:23
Avelana ni van’wani lezvi u nga nazvo hambu loku zvi nga talangi. — Mah. 13:16

9. Cigondzo ca Bhibhiliya ca bandla

(30 min.) Bhuku Ti buze hi wutomi cigondzo 06