15-21 KA SETEMBRO

TITSHOMBA TI NGA KA MHAKA YA NUNGUNGULU

I mamani a bhulako ni nhanyana wakwe na va tshamile laha ka sofa.

1. Lezvi hi gondzako ka wusungukati legi a vamamani va nyikako vana vabye

(10 min.)

Gondzisa n’wana wa wena lezvi Jehovha a ku wonisako zvona a kuhlengela masango ni wukati (Mav. 31:3, 10; Sentinela 01/02/11 paj. 19 par. 7-8)

Gondzisa vana va wena a ku wona byala kota lezvi Jehovha a gi wonisako zvona (Mav. 31:4-6; Ajuda para família ndzima n.º 4 par. 11-13)

Gondzisa vana va wena a ku vhuna van’wani kota lezvi Jehovha a mahako (Mav. 31:8, 9; Despertai! 6/17 paj. 9 par. 5)

2. Titshomba ta moya

(10 min.)

Mav. 31:10-31 — Zvini zvi nga vhuna vaIzrayeli a ku khoma hi hloko a mavhesi ya Mitsalo ya ciHebheru? (Sentinela 01/11/92 paj. 11 par. 7-8)

Hlamulo wa wena
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?

Hlamulo wa wena

3. Kulera ka Bhibhiliya

(4 min.) Mav. 31:10-31 (Gondzisa khwatsi, cig. 10)

TI TSITSIRITE NTIRWENI WA KUCHUMAYELA

4. Ku sangula mabhulo

(3 min.) WUKUSTUMUNYU GA CITSHUKETI. Sangula mabhulo ni wokari andzhako ka loku a wulile kutani ku maha nchumu wa wunene. (Randza vanhu cig. 5 mhaka ya wu 3)

5. Ku sangula mabhulo

(4 min.) HI MUTI NI MUTI. Laha ka Apendise A, “Lisine la Bhibhiliya hi randzako ku gondzisa vanhu”, ka broxura Randza vanhu hlawula mhaka yin’we u sangula hi yona mabhulo. (Randza vanhu cig. 1 mhaka ya wu 4)

6. Ku hlakulela kutsakela

(5 min.) HI MUTI NI MUTI. Ramba munhu a vhumeleko ku amukela A Murindzeli n.° 1 wa 2025 lezvaku ata ka kanelo yo hlawuleka. (Randza vanhu cig. 7 mhaka ya wu 4)

MAHANYELA YA WUKRISTU

7. Vhuna vana va wena lezvaku va tirisa michini ya tekinolojiya hi ndlela ya yinene

(8 min.) Mabhulo.

U tshuka u wona n’wanana na a tirisa maaplikativho yo kari lomu ka fone kutani thableti? A kutala ka zvikhati zvi wonekisa ku khwatsi zva mu olovela nguvhu! Zva kala a ku a kombela ku vhuniwa ku tirisa michini, kanilezvi contlhe cikhati i fanele ku vhuniwa ku yi tirisa hi ndlela ya yinene. Loku u hi mupswali, u nga mu gondzisisa kuyini n’wana wa wena a ku tirisa michini hi ndlela ya yinene?

Mufota wa vhidhio “Ci tirise khwatsi cikhati ca wena.” Na a hi praya a belwa hi moya, Sofia i tirisa thableti wakwe a tsandzeka ku wona golfinho yi hlakanako ni bola laha kusuhani kakwe.

Bisa VHIDHIO Ci tirise khwatsi cikhati ca wena. Hi kulandzela u wutisa lezvi:

Hikuyini zvi nga zvinene a ku ti vekela mbhingano a cikhati leci hi tirisako michini?

Hlamulo wa wena
Zvilo muni zvin’wani hi faneleko ku ti vekela cikhati ca zvona?

Hlamulo wa wena

A cikhati leci u vekako milayo laha ngangweni wa wena, tsumba matshinya ya milayo ya Bhibhiliya na ku nga hi ku pima lezvi a vapswali van’wani va mahako. (Gal. 6:5) Hi cikombiso, ti wutise lezvi:

Xana a n’wana wa mina wa tiva ku ti khoma niku i na ni wutihlamuleli ka lezvi a mahako kasi ku tirisa muchini wa mina kutani kuva ni muchini wakwe? — 1 Kor. 9:25
Xana ndzi nga tsika n’wana wa mina a tirisa michini na a hi yece? — Mav. 18:1
Maaplikativho muni kutani tisaite leti ndzi nga tsikako n’wana wa mina a ti tirisa? Hi zvihi lezvi ndzi nga faneliko ku mu tsika a zvi tirisa? — Efe. 5:3-5; Filp. 4:8, 9
Cikhati co kota kwihi hi siku ndzi nga mu tsikako a mbheta na a tirisa muchini kasi a sala ni cikhati co enela ca ku maha zvilo zvin’wani zva lisima? — Mutsh. 3:1

15-21 KA SETEMBRO

MAVINGU 31

Lisimu 135 ni mukhongelo | Magezu yo vhulula mutlhangano (1 min.)