Lezvi a Bhibhiliya gi wulawulako hi zvona

Ka bhuku go gandliwa

Jehovha Nungungulu i na ni fanelo ya ku fuma. A mafumela yakwe hi wona ya manene nguvhu. A kungo gakwe hi misava ni vanhu gi ta tatiseka.

Hi Adhamu na Evha va nga Jardhim ya Edheni na ku hi ni nyoka kusuhani kabye

Andzhako ka 4026 A.E.C.

“A nyoka” yi phikiza a fanelo ya Jehovha ya ku fuma ni mafumela yakwe. Jehovha i tsumbisa ku vhuxa “pswalo” kutani “mbewu” leyi hi kugumesa yi to gandla nyoka, ku nga Sathani. (Genesisi 3:1-5, 15, tlhamuselo wa lahasi) Hambulezvo, Jehovha i nyika vanhu a cikhati ca ku va ti fuma hi voce na va kucetelwa hi nyoka.

Hi Abrahama a zwako a citusmbiso ca Nungungulu

1943 A.E.C.

Jehovha i byela Abrahama lezvaku a “pswalo” lowu wu tsumbisilweko ku tava mun’we wa vana vakwe. — Genesisi 22:18.

Andzhako ka 1070 A.E.C.

Jehovha i tiyisekisa hosi Dhavhidha ni n’wana wakwe Solomoni, hi ndzhako ka cikhati, lezvaku a “pswalo” wu tsumbisilweko wu ta huma hi laha lixakeni labye. — 2 Samuweli 7:12, 16; 1 Tihosi 9:3-5; Isaya 9:6, 7.

Hi Jesu a cikhati leci a nga bhabhatisiwa

29 E.C.

Jehovha i tivekisa Jesu kota “pswalo” wu tsumbisilweko, loyi a nga Mugi wa tshomba wa citshamu ca wuhosi ca Dhavhidha. — Va Le Galatiya 3:16; Luka 1:31-33; 3:21, 22.

33 E.C.

A nyoka, ku nga Sathani, yi bayisa hi cikhatana a “pswalo” wu tsumbisilweko hi ku dayisa Jesu. Jehovha i vhuxa Jesu kasi a ya hanya le tilweni a tlhela a vhumela a ntsengo wa wutomi gakwe go mbhelela, hi ndlela leyo a vhulula a ndlela ya ku tsetselela a zviwonho ni ku nyika a vana va Adhamu a wutomi ga pindzukelwa. — Genesisi 3:15; Mitiro 2:32-36; 1 Va Le Korinte 15:21, 22.

I nyoka, Sathani, yi hoxiwako misaveni kota lezvi zvi tsumbisilweko ka Kuvhululelwa

Kwalomo ka 1914 E.C.

Jesu i hoxa a nyoka, ku nga Sathani, laha misaveni, lezvaku yi ta tshama zva cikhatana. — Kuvhululelwa 12:7-9, 12.

Hi Jesu a fumelako misava na a hi citshan’wini cakwe ca wuhosi le tilweni kota lezvi zvi tsumbisilweko ka Kuvhululelwa

Cikhatini ci tako

Jesu i vhalela Sathani hi 1000 wa malembe a gumesa a mu lovisa, lezvi zvi fanako ni ku mu gandla a hloko. A kungo go sangula ga Jehovha xungetano hi misava ni vanhu gi tatiseka, a vito gakwe gi basisiwa ka ciruko, zvi tlhela zvi kombisiwa kubaseni lezvaku a mafumela yakwe manene. — Kuvhululelwa 20:1-3, 10; 21:3, 4.