Bhuku ga kale gi vhunako ka nguva leyi
A vanhu vo tala va wula lezvaku a Bhibhiliya i bhuku go basa. Kanilezvi a Bhibhiliya a gi hi byeli basi lezvi hi nga mu khozelisako zvona Nungungulu. Gona gi na ni wusungukati gi vhunako hi nga gi tirisako siku ni siku.
Hi cikombiso, a hi wone lezvi a vanhu va vhunekisako zvona hi ku lera a Bhibhiliya va tlhela va tirisa a wusungukati legi va gi kumako wutomini gabye.
“A wutomi ga mina gi chukwatile nguvhu. A kupima ni kutizwa ka mina kuya mahlweni ku chukwata. Ndzi tizwa ndzi tsakile.” — Fiona.
“Hi ku gondza a Bhibhiliya, ndzi kumile a kungo ga lisine wutomini ga mina. Zvezvi ndzi hanyela co ci tiva.” — Gnitko.
“A wutomi ga mina gi noya gi chukwata nguvhu. Zvezvi ndzi mbheta cikhati citsongwani ntirweni kasi ndzi kuma cikhati co tala ca ku tshama ni ngango wa mina.” — Andrew.
Ku na ni matshango yo tala ya ku fana ni lawa. Matlhelweni wontlhe ku ni vanhu vo tala va wonileko lezvaku a Bhibhiliya gi na ni wurangeli go tala va nga gi tirisako wutomini ga siku ni siku.
A hi wone lezvi a Bhibhiliya gi vhunisako zvona a vanhu kasi va chukwatisa a . . .
Lihanyo la miri
Kutshamiseka hi tlhelo ga kutizwa
Wutomi ga ngango ni vanghana
Kutshamiseka hi tlhelo ga timali
Wumoya ga hina
A tindzima ti landzelako ti ta komba lezvaku a Bhibhiliya i bhuku ga Nungungulu legi gi nga ku vhunako wutomini ga siku ni siku.