Xigonzo 16

Xiboho Xa Wena Xa Ku Tirela Nungungulu

Xana u fanele ku maha yini kasi ku u va munghana wa Nungungulu? (1, 2)

Xana a wutomi gi hendleletisiwa kuyini ka Nungungulu? (1)

Hi rini u faneleko a ku bapatizwa ke? (2)

U nga zi kotisa kuyini a ku kuma ntamu wa ku u tshama na wu tsumbekile ka Nungungulu ke? (3)

1. Kasi ku u fela ku va munghana wa Nungungulu, kulaveka lezaku u kuma a wutivi ginene ga lisine la Biblia (1 Timote 2:3, 4), u kholwa ka lezi u zi gonzileko (Maheberu 11:6), u ti laya hi zionho za wena (Mitiro 17:30, 31), ni ku u hunzuluka ka mafambisela ya wutomi ga wena. (Mitiro 3:19) Makunu a liranzu la wena ka Nungungulu li fanele li ku susumeta lezaku u ti hendleleta ka yena. Lezo zi wula ku lomu ka mukombelo wa wena nwinyi, ha wece u mu byela lezaku wa ti nyikela ka Yena kasi ku u maha a kuranza kakwe. — Mateu 16:24; 22:37.

2. Anzhako ka loku wena u ti hendleletile ka Nungungulu, u fanele u bapatizwa. (Mateu 28:19, 20) A kubapatizwa ku ta maha vontlhe va zi tiva lezaku wena u ti hendleletile ka Jehova. Hikwalaho, a kubapatizwa ku fanela ntsena lava va nga ni tanga yo ringana lezaku va maha xiboho xa ku tirela Nungungulu. Loku a munhu a bapatizwa, a miri wakwe wontlhe wu fanele wu petiwa lomu matini hi xikhatanyana.a — Marku 1:9, 10; Mitiro 8:36.

3. Anzhako ka loku wena u ti nyikelile, Jehova a rinzela lezaku u hanya hi ku yelana ni lezi u nga mu tsumbisa zona. (Tisimu 50:14; Mutshawuteli 5:4, 5) Diyabu i ta zama ku ku tsanzekisa a ku u tirela Jehova. (1 Pedro 5:8) Kanilezi tshinelela ka Nungungulu hi mukombelo. (Va Le Filipi 4:6, 7) Gonza a Gezu gakwe wontlhe masiku. (Tisimu 1:1-3) Tshama u namarele ka bandla. (Maheberu 13:17) Hi ku maha zontlhe lezo, u ta kuma a ntamu wu lavekako kasi ku u simama u tsumbekile ka Nungungulu. Hi ndlela leyi u ta zi kota a ku maha lezi Nungungulu a zi lavako ka wena kala kupinzuka!

[Mitlhamuselo ya lahasi]