Xigonzo 2

Nungungulu Munghana Wa Chukwana Zi Kotekako Kuva Naye

Ku maha munghana wa Nungungulu i nchumu wa chukwana wu zi kotako ku maheka. Nungungulu i ta ku gonzisa a ku xalala ni kutiya, a ku tlhatlha kukholweni ka hava ni mitirweni yi onhetelako. Yena i tazwa mikhongelo ya wena niku i ta ku vuna a kuzwa kurula ni kutsumba lomu mbilwini. (Tisimu 71:5; 73:28) Nungungulu i ku seketela xikhatini xa zikarato. (Tisimu 18:18) Yena i ku nyika a xinyikiwo xa wutomi ga pinzukelwa. — Va Le Roma 6:23.

Hi ku ti tshineta ka Nungungulu, wena u ta tshinela ka vanghana va Nungungulu. Vonawo lava va ta maha vanghana va wena. Hi lisine, va ta ku khwatsi vamakabye va wena va xinuna ni va xisati. Va ta tsakiswa hi ku ku gonzisa nchumu hi Nungungulu, niku vona va ta ku vuna ni ku ku tiyiseta.

Hina a hi fanani na Nungungulu. Laha u hlotako wunghana na Nungungulu, kulaveka ku pima a nchumu wa hombe: a wunghana na Nungungulu a hi wunghana ga zivangwa zo fanana. Yena wa hanya hi masiku niku i na ni wutlhari ga hombe nguvu ni ntamu wa hombe nguvu ku hunza hina. Hi yena Mufumeli wa hina wa nayo. Hi kota ya lezo, loku hi lava a kuva vanghana vakwe, hi fanele a ku mu ingisa ni ku maha lezi a leletelako. Lezi zi ta hi vuna xontlhe xikhati. — Isaya 48:18.