Xigonzo 16

Komba Lezaku Wa Mu Ranza Nungungulu

Kasi ku hlayisa munghana, ku laveka ku bhula na yena. Wena wa mu ingisela na yena a ku ingisela. Kambe wena u wulawula zo saseka hi munghana wa wena ka vanwani. Lezo zi mahekawo ka loyi a nga munghana wa Nungungulu. Alakanyela lezi a Biblia gi wulako xungetano hi lezo:

Khanzakanya ku wulawula na Jehova hi mukhongelo. ‘Simamisani mu tiyile kukhongeleni.’ — Va Le Roma 12:12.

Gonza Mhaka ya Nungungulu, a Biblia. “Yontlhelele mitsalo yi pimisilweko vanhu hi Nungungulu ya vuna kugonziseni, ni kukawukeni, ni kululekeni.” — 2 Timote 3:16.

Gonzisa vanwani hi Nungungulu. “Hikwalaho fambani, mu va maha vapizani a matiko wontlhe, . . . mu va gonzisa a ku gonga zontlhe lezi nzi mu layileko zona.” — Mateu 28:19, 20.

Ti tshinete nguvu ka vanghana va Nungungulu. “Hlengela ni tlhari, u tava tlhariwo.” — Mavingu 13:20.

Kumeka mitlhanganwini le Salawini ya Mufumo. “Ngha hi khatalelana kasi ha susumetana liranzweni ni mitirweni yo saseka; . . . hi khongotelana.” — Maheberu 10:24, 25.

Vuna ku seketela ntiro wa Mufumo. “Munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele.” — 2 Va Le Korinte 9:7.