BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • wt xip. 13 pp. 120-127
  • A Xidlemo Xa Tsanza-vahlayi Mahlweni Ka Xitshamu Xa Wuhosi Xa Jehova

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • A Xidlemo Xa Tsanza-vahlayi Mahlweni Ka Xitshamu Xa Wuhosi Xa Jehova
  • Khozela Nungungulu munwe wa zinene
  • Zvihlokwana zva mhaka
  • Mahungu yo yelana ni lawa
  • A Kutiveka Ka Xidlemo Xa Tsanza-vahlayi
  • A Xidlemo Xa Tsanza-vahlayi Xi Fanele Ku Ti Komba Na Xi Faneleka Ku Pona
  • A Mabhinzu Ya Xikhati Lexi
  • ”Ndzi wona a citshungu ca hombe”
    A Murindzeli i huwelela a Mufumo wa Jehovha — 2019
  • A citshungu ca hombe ca tiyivhu tin’wani ci dhumisa Nungungulu na Kristu
    A Murindzeli i huwelela a Mufumo wa Jehovha (Wa cigondzo)—2021
  • Citshungu ca hombe ca tsandza-vahlayi ci katekisiwako hi Jehovha
    Ntiro wa hina ni mahanyela ya wuKristu — Cibhukwana ca mutlhangano — 2019
Khozela Nungungulu munwe wa zinene
wt xip. 13 pp. 120-127

Xipimo Xa Wukhume Ni Zinharu

A Xidlemo Xa Tsanza-vahlayi Mahlweni Ka Xitshamu Xa Wuhosi Xa Jehova

1. (a) A mahlweni ka kuva a malanza ya Nungungulu ya mahlweni ka wuKristu kutani lava va 144.000 va amukela a nchachazelo wabye, xana va fanele ku maha yini? (b) Xana xini xi ta nga koteka ka “xidlemo xa tsanza-vahlayi” lexi xi hanyako xikhatini lexi?

A MALANZA ya kutsumbeka ya Nungungulu kusukela ka Abeli kala ka Johani Mubapatizi ma rangisile ku maha a kuranza ka Nungungulu wutomini ga wona. Hambulezo, wona wontlhe ma file, na ma rinzela a kuvuka ka wona hi ka vafileko lezaku ma hanya misaveni yiswa ya Nungungulu. A va 144.000, lava va ta nga fuma zinwe na Kristu Mufunweni wa Nungungulu wa le tilweni, va fanelewo kufa na va nga se amukela a nchachazelo wabye. Kanilezi, a bhuku ga Kuvululelwa 7:9 gi komba lezaku a masikwini lawa yo gumesa, ku tava ni “xidlemo xa tsanza-vahlayi” lexi xi humako matikweni wontlhe lexi xi to kala xi ngafi kanilezi na xi hi ni kutsumba ka kuhanya kala kupinzuka laha misaveni. Xana wena u xikari ka xona?

A Kutiveka Ka Xidlemo Xa Tsanza-vahlayi

2. Zini zi nga yisa kuzwisisekeni ko dlunyateka ka kutiveka ka xidlemo xa tsanza-vahlayi xa bhuku ga Kuvululelwa 7:9?

2 Hi lembe ga 1923, a malanza ya Nungungulu ma tivile lezaku a “tiyivu” ta mufananiso wa Jesu wu kumekako ka Mateu 25:31-46 ni “tiyivu tinwani” leti a ti wulileko kota lezi zi tsalilweko lomu ka bhuku ga Johani 10:16 i vanhu lava va nga wa tava ni lungelo ga ku hanya kala kupinzuka laha misaveni. Hi 1931 lava va hlawutelwako ka bhuku ga Ezekieli 9:1-11 kota lava va vekelwako xifungo zimombyeni zabye va wonilwe kambe kota lava va nga ni kutsumba ka ku hanya laha misaveni. Zonake hi 1935 ku tivilwe lezaku a xidlemo xa tsanza-vahlayi xi wumba xipanze xa ntlawa wa tiyivu tinwani leti Jesu a wulawulileko ha tona. Inyamutlha, a xidlemo lexi xi nga ni thomo xa tsanza-vahlayi xi chikela timiliyoni.

3. Hikuyini a magezu lawa ma nge “na xi yimile mahlweni ka xitshamu xa wuhosi” ma nga wuliko ntlawa wa le tilweni?

3 Lomu ka bhuku ga Kuvululelwa 7:9, a xidlemo xa tsanza-vahlayi a xi woniwi na xi hi le tilweni. A ‘kuyima ka xona mahlweni ka xitshamu xa wuhosi’ xa Nungungulu a ku wuli lezaku va fanele kuva le tilweni. Vona va le mahlweni ka Nungungulu ntsena. (Tisimu 11:4) A mhaka ya ku a xidlemo xa tsanza-vahlayi, lexi xi nga zi kotiko ku hlayiwa hi munhu, xi nga hi ntlawa wa le tilweni yi kombiwa hi ku ringanisa a ntsengo wabye wu nga tiviwiko ni lezi zi tsalilweko lomu ka Kuvululelwa 7:4-8 ni Kuvululelwa 14:1-4. Lomo ka mavesi lawo ku kombiwa a ntsengo wa lava va tekiwako misaveni lezaku vaya tilweni kota wa 144.000.

4. (a) Xini a ‘kuxaniseka ka hombe’ loku a xidlemo xa tsanza-vahlayi xi ku ponako? (b) Kota lezi zi tsalilweko ka Kuvululelwa 7:11, 12, mbamani lava va wonako a xidlemo xa tsanza-vahlayi va tlhela va hlengela zinwe na xona wukhozelini?

4 A bhuku ga Kuvululelwa 7:14 gi wula lezi xungetano hi xidlemo xa tsanza-vahlayi: “Lava hi vona va humako kuxanisekeni ka hombe.” Vona va pona a kuxaniseka ka hombe loku cima ku kalako ku nga se hanyiwa matinwini ya vanhu. (Mateu 24:21) A xikhati lexi va wulako hi kubonga lezaku a kuhanyiswa kabye ku lumba Nungungulu na Kristu, zonake a zivangwa zontlhe zo tsumbeka za le tilweni zi ta patsana na vona ziku ngalo: “Amen! A kukhesa, ni wudzunzo, ni wutlhari, ni kubonga, ni wudumo, ni wuhosi, ni ntamu, a zive ka Nungungulu wa hina kala kupinzuka ni kupinzuka. Amen.” — Kuvululelwa 7:11, 12.

A Xidlemo Xa Tsanza-vahlayi Xi Fanele Ku Ti Komba Na Xi Faneleka Ku Pona

5. Xana hi nga zi tivisa kuyini lezi zi lavekako lezaku hiva xipanze xa xidlemo xa tsanza-vahlayi?

5 A kuponisiwa ka xidlemo xa tsanza-vahlayi kuxanisekeni ka hombe ku maheka hi kuyelana ni milayo ya Jehova ya kululama. A matshamela lawa ma tivekisako lava va to ponisiwa ma tlhamuselwa khwatsi lomu ka Biblia. Hizalezo, za koteka ka lava va ranzako kululama lezaku va maha xo kari kasi ku faneleka ku pona. Xana lava va fanele ku maha yini?

6. Hikuyini a xidlemo xa tsanza-vahlayi xi zi kotako ku ringanisiwa khwatsi ni tiyivu?

6 A tiyivu ti rulile niku ta ingisa. Hikwalaho a xikhati lexi Jesu a nga wula lezaku i wa hi ni tiyivu tinwani leti ti nga hiko ta ntlawa wa le tilweni, yena i wa nga wuli vanhu lava ntsena va nga wa ta lava ku hanya kala kupinzuka misaveni kanilezi va wa tava lava va ti vekako hasi ka tigonzo takwe kambe. Yena i te ngalo: “A tiyivu ta mina ta ingisa a gezu ga mina; mina nza ti tiva, ta nzi lanzela.” (Johani 10:16, 27) A vanhu lavo hi lava hakunene va ingisako va tlhela va lanzela lezi Jesu a zi wulako, zonake va maha vapizani vakwe.

7. Hi wahi a matshamela lawa a valanzeli va Jesu va faneleko ku ma anzisa?

7 Hi wahi manwani matshamela lawa a munwe ni munwani wa valanzeli lavo va Jesu a faneleko ku ma anzisa? A Mhaka ya Nungungulu ya hlamula: “Xungetano ni mahanyela ya nwina ya kale mu yimelwe hi ku ti tlhatlha ka munhu wa kale, . . . mu ambala munhu muswa, loyi a vangilweko ku fanana ni Nungungulu kululameni ni kubaseni ka zinene.” (Va Le Efesusi 4:22-24) Vona va anzisa matshamela lawa ma tiyisako a wumunwe ga malanza ya Nungungulu — a “liranzo, ni kutsaka, ni kurula, ni kutimisela, a wunene, ni kusasa, ni kutsumbeka [“kukholwa,” NM], ni kuolova, ni kutikhoma.” — Va Le Galatia 5:22, 23.

8. Zini lezi a xidlemo xa tsanza-vahlayi xi to yimisana nazo hi kota ya lezi va vunetelako a misalela?

8 A xidlemo xa tsanza-vahlayi xi vunetela a va ntsengo wu tsongwani wa lava va nga ni kutsumba ka ku hanya le tilweni, lava va rangelako a ntiro wa kuxumayela. (Mateu 24:14; 25:40) A tiyivu tinwani ti nyika xivuno lexi, hambulezi ti tivako lezaku ti ta yimisana ni kukanetwa hakuva a kusaguleni ka masiku lawa yo gumesa, Kristu Jesu ni tingelosi takwe va hlongolile Satani ni madimoni yakwe hi le tilweni. Lezo zi lo neha ‘khombo misaveni hakuva Satani i relele ka nwina, na a zangarile nguvu, hakuva wa zi tiva lezaku a xikhati lexi xi mu saleleko xi tsongwanyani.’ (Kuvululelwa 12:7-12) Hizalezo, Satani wa engetela a ku kaneta a malanza ya Nungungulu kota lezi a kugumesa ka mafambisela lawa ku tshinelako.

9. Xana a malanza ya Nungungulu ma humelela kuya chikela kwihi kuxumayeleni ka mahungu yo saseka, niku hikuyini?

9 Hambulezi ku nga kona kukaneta ka tihanyi ka Satani, a ntiro wa kuxumayela wa simama ku anza. Hi ka makume ya mazana ma tsongwani ya vaxumayeli va Mufumo va nga hi kona kumbheleni ka Yimpi yo Sangula ya Misava, zalezi ku na ni timiliyoni, hakuva Jehova i tsumbisile aku: “A gi kona tlhari gi fulelweko ku vukela wena gi ta nga humelela.” (Isaya 54:17) Hambu a xiro xa hubye ya hombe ya vaJuda xi kalile xi vumela lezaku a ntiro wa Nungungulu a wu zi koti ku hluliwa. Xungetano hi vapizani, xona xi lo byela vaFarisi va zana go sangula ga malembe xiku: “Tsikani lava vanhu, mu va tlhatlha; hakuva loku legi khungo ni lowu ntiro wu hi wa vanhu, wu ta hangalaka; kanilezi loku wu hi wa Nungungulu, mu nga ta zi kota ku va hlula; mu nga dzuka mu kumiwa mu kari mulwa na Nungungulu.” — Mitiro 5:38, 39.

10. (a) Xana a “xifungo” xi vekelwako lava va xidlemo xa tsanza-vahlayi xi wula yini? (b) Xana a malanza ya Nungungulu ma ingisisa kuyini a ‘gezu gi tako hi le tilweni’?

10 Lava va xidlemo xa tsanza-vahlayi va kombiswa kota lava va vekelweko xifungo xa kuhanyiswa. (Ezekieli 9:4-6) A “xifungo” xikombiso xa lezaku vona va ti hendleletile ka Jehova, va bapatizwa kota vapizani va Jesu, va tlhela va hlakulela a wumunhu ga wuKristu. Va ingisa a ‘gezu gi tako hi le tilweni’ legi gi wulako lezi xungetano hi mufumo wa Satani wa misava yontlhe wa wukhongeli ga mawunwa: “Humani ka yena, nwina vanhu va mina, lezaku kasi mu nga hlengeli zionho zakwe, mu biwa hi zixaniso zakwe.” — Kuvululelwa 18:1-5.

11. Xana a xidlemo xa tsanza-vahlayi xi ti komba hi ndlela muni ya lisima lezaku malanza ya Jehova?

11 Kambe, Jesu i byelile a valanzeli vakwe lezaku: “Loku mu ranzana, a vanhu vontlhe va ta zi tiva lezaku mu vapizani va mina.” (Johani 13:35) A kuhambana ni lezo, a ziro za wukhongeli ga tiko legi za dayana tiyimpini, hi lezi ntsena zi nga za matiko yo hambana! A Mhaka ya Nungungulu yi ngalo: “Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe. . . . A mhaka . . . hi leyi, lezaku hi ranzana; hi nga koti Kana, loyi a nga hi n’wana wa loyi wa kubiha, a daya nakulobye.” — 1 Johani 3:10-12.

12. Le kuxanisekeni ka hombe, xana Jehova i ta maha yini hi ‘tisinya’ leti ti pswalako mihanzu yo biha?

12 Jesu i te ngalo: “Zinghaho ni tisinya tontlhe to saseka ti pswala mihanzu yo nanziha; kanilezi a sinya yo biha yi pswala mihanzu ya kubiha. A sinya yo saseka a yi zi koti ku pswala mihanzu ya kubiha, hambu ni sinya yo biha a yi zi koti ku pswala mihanzu yo nanziha. A sinya yinwe ni yinwani leyi yi nga pswaliko mihanzu yo nanziha, yi tsemiwa, yi hoxiwa nzilweni. Hikwalaho hi mihanzu yabye mu ta va tiva.” (Mateu 7:17-20) A mihanzu leyi yi pswaliwako hi wukhongeli ga tiko legi yi gi kombisa kota ‘tisinya’ to biha, leti ti to loviswa lokuloku hi Jehova kuxanisekeni ka hombe. — Kuvululelwa 17:16.

13. Xana a xidlemo xa tsanza-vahlayi xi zi kombisa kuyini lezaku xi ‘yimile mahlweni ka xitshamu xa wuhosi’ xa Jehova hi wumunwe?

13 A bhuku ga Kuvululelwa 7:9-15 gi kongomisa kupima ka zigelo lezi zi yisako kuponisweni ka xidlemo xa tsanza-vahlayi. A mavesi lawo ma va kombisa hi wumunwe ‘na va yimile mahlweni ka xitshamu xa wuhosi’ xa Jehova, na va seketela a wuhosi gakwe ga wuako gontlhe. Vona “va hlazile tinguwo tabye va ti basisa nkhateni wa Yivana,” va kombisa lezaku va vumela a muphahlo wa Jesu wu tirulako zionho. (Johani 1:29) Va ti hendleletile ka Nungungulu va tlhela va ku kombisa hi kunyupetwa matini. Hikwalaho va na ni lungelo ga kuva ni xiyimo xo basa mahlweni ka Nungungulu, lezi zi kombiswako hi tinguwo to basa, va tlhela va mu mahela ntiro wa kubasa mumu ni wusiku. Xana ti kona tindlela ta ku zwananisa khwatsi a wutomi ga wena ni lezi zi hlawutelwako laha?

A Mabhinzu Ya Xikhati Lexi

14. Hi wahi a mabhinzu yo kari ma nga hiko na kuecanyiswa lawa ma kumiwako hi malanza ya Jehova hambu ni zalezi?

14 Kuzilava wa wona mabhinzu ma nga hiko na kuecanyiswa lawa hambu ni zalezi ma kumiwako hi lava va tirelako Jehova. Kota xikombiso, a xikhati lexi u nga gonza xungetano hi makungo yo lulama ya Jehova, u zi tivile lezaku ku wa hi ni kutsumba ko tsakisa ka wumanziko. Hikwalaho u na ni khungo ga lisine wutomini zalezi — ku nga ku tirela Nungungulu wa zinene hi kutsumba ko tsakisa ka wutomi ga pinzukelwa ka paradise misaveni. Ina, Hosi Jesu Kristu i ta “hletela [a xidlemo xa tsanza-vahlayi] tihlobyeni ta mati ya wutomi.” — Kuvululelwa 7:17.

15. Xana a Timboni ta Jehova ti vunekisa kuyini hi ku khomelela a matshinya ya milayo ya Biblia xungetano hi wupolitika ni timhaka ta mahanyela?

15 A bhinzu go tsakisa legi gi kumiwako hi xidlemo xa tsanza-vahlayi i liranzo, a wumunwe, ni kuzwanana lezi zi kumekako xikari ka malanza ya Jehova misaveni yontlhe. Kota lezi hina hontlhe hi gako zakuga za zinwe za moya, hontlheni hi ingisa a milayo ni matshinya ya milayo ya manwe ma kumekako Mhakeni ya Nungungulu. Hikwalaho a hi hambanyiswangi hi mawonela ya wupolitika ni ya wutiko. Kambe, ha hlayisa milayo yo tlakuka ya mahanyela leyi Nungungulu a yi lavako ka vanhu vakwe. (1 Va Le Korinte 6:9-11) Makunu, wutshanwini ga kuva ni kulwisana, kuhambana, ni mahanyela ma nga hlazekangiko lawa ma tatileko tiko, a vanhu va Jehova va buza lezi zi zi kotako ku vitwa paradise ga moya. Wona lezi a mhaka leyo yi tlhamuseliswako zona lomu ka Isaya 65:13, 14.

16. Hambulezi ku nga ni zikarato zi tolovelekileko kuhanyeni, kutsumba muni ku nga ni xidlemo xa tsanza-vahlayi?

16 Ahihi, a vanhu lava va nga malanza ya Jehova a va mbhelelangi. Niku vona va khumbiwa hi zikarato zi tolovelekileko kuhanyeni tikweni legi, zo kota mihlomulo kutani ku xaniseka hi tiyimpi ta matiko na va nga hi na nanzu. Kambe va yimisana ni mababyi, kuxaniseka, ni kufa. Kanilezi va na ni kukholwa ka lezaku le misaveni yiswa, Nungungulu “i ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa.” — Kuvululelwa 21:4.

17. Na ku nga khataliseki lezi zi zi kotako ku humelela ka hina zalezi, wumanziko gihi go tsakisa legi gi vekelweko lava va khozelako Nungungulu wa zinene?

17 Hambu loku ufa zalezi hi kota ya kukhosahala, mababyi, mhango yo kari, kutani tixanisa, Jehova i ta ku vuxa hi ka vafileko lezaku u hanya Paradiseni. (Mitiro 24:15) Zonake u ta simama ku buza a mubuzo wa moya nzeni ka Kufuma ka Kristu ka 1.000 wa Malembe. A liranzo la wena ka Nungungulu li ta engetela a xikhati lexi u to wona a makungo yakwe na ma tatiseka hi ndlela yo tsakisa nguvu. Niku a makatekwa ya xiviri lawa Jehova a to ma neha ma ta engetela a liranzo la wena ha yena. (Isaya 25:6-9) A hi kutsakisa ka wumanziko legi gi vekelweko vanhu va Nungungulu!

Ziwutiso Za Kuvuxeta

• Xana a Biblia gi zwananisa a xidlemo xa tsanza-vahlayi ni ximaho muni xo hlamalisa?

• Loku hina hakunene hi lava ku patsiwa zinwe ni xidlemo xa tsanza-vahlayi lexi xi amukelekako mahlweni ka Nungungulu, zini hi faneleko ku maha zalezi?

• Lisima muni u nyikako a makatekwa lawa ma buziwako zalezi ni lawa ma to tlhela ma buziwa hi xidlemo xa tsanza-vahlayi misaveni yiswa ya Nungungulu?

[Mufota ka phajina 123]

A vanhu va timiliyoni va lumbako xidlemo xa tsanza-vahlayi va khozela Nungungulu wa zinene hi wumunwe

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela