CIGONDZO 12
Zvini zvi to ku vhuna a ku u simama u gondza a Bhibhiliya?
A ku gondza Bhibhiliya zva lisima nguvhu. Kanilezvi a hi contlhe cikhati zvi olovako. Ka zvikhati zvo kari, kuzvilava u nga ti wutisa ku ndzi ta zvi kota a ku simama ku gondza a Bhibhiliya ke. Hikuyini zvi nga ni bhindzu a ku ti karatela ku simama u gondza? Zvini zvi nga ku vhunako a ku simama ku gondza Bhibhiliya hambu loku u kumana ni zvikarato?
1. Hikuyini a ku gondza Bhibhiliya zvi nga zva lisima nguvhu?
“A mhaka ya Nungungulu ya hanya niku yi na ni ntamu.” (Mahebheru 4:12) A Bhibhiliya ga lisima, hakuva gi komba a maalakanyo ya Nungungulu ni lezvi a ti zwisako zvona hi wena. Gi ku vhuna a ku kuma wutivi, ni wutlhari ga lisine ni kutsumba. A ca lisima ka zvontlhe, a Bhibhiliya gi ku vhuna a kuva munghana wa Jehovha. Laha u gondzako Bhibhiliya, wo tsika ntamu wa gona wu chukwatisa wutomi ga wena.
2. Hikuyini zvi nga zva lisima a ku li nyika lisima a lisine la Bhibhiliya?
A lisine li nga lomu ka Bhibhiliya li fana ni tshomba ya lisima. Hi zvalezvo zvi mahako ku a Bhibhiliya gi hi kuca ku ‘xava lisine, hi nga tshuki hi li xavisa’. (Mavingu 23:23) Loku hi li nyika lisima a lisine la Bhibhiliya, hi ta ti karatela ku hi nga tshuki hi tsika ku gondza hambu loku hi kumana ni zvikarato. — Lera Mavingu 2:4, 5.
3. Jehovha a nga ku vhunisa kuyini a ku u simama ku gondza?
Jehovha hi yena Muvangi wa Ntamu Wontlhe niku Munghana wa wena. I lava ku ku vhuna ku u mu tiva khwatsi. A nga ku “nyika a kuxuva ni ntamu wa ku zvi maha”. (Lera Va Le Filipi 2:13.) Hikwalaho, Jehovha a nga ku vhuna loku ka zvikhati zvo kari u lava ntamu wa ku gondza ni wa ku tirisa lezvi u gondzako. A nga ku nyika ntamu kambe wa ku hlula zvikarato kutani kuvhukelwa. Khongela ka Jehovha hi kukhandzakanya kasi a ku vhuna ku simama ku gondza Bhibhiliya. — 1 Va Le Tesalonika 5:17.
GONDZA ZVI ETA
Wona lezvi u nga mahako kasi u simama ku gondza Bhibhiliya hambu loku u tshama na u khomekile kutani u vhukelwa hi van’wani. Wona kambe lezvi Jehovha a nga ku vhunisako zvona a ku simama u gondza.
4. Rangisa a cigondzo ca wena ca Bhibhiliya
Ka zvikhati zvo kari, hi nga khomeka nguvhu laha ka kuza hi vhumala ni cikhati ca ku gondza Bhibhiliya. Ka ciyimo leco, cini ci nga hi vhunako? Lerani Va Le Filipi 1:10, mu gumesa mu bhula hi zviwutiso lezvi:
U alakanya ku zvini “zvi nga zva lisima nguvhu” wutomini?
U nga maha yini kasi ku komba ku wa rangisa a cigondzo ca Bhibhiliya?
Loku u tata bhaketi hi misava u gumesa u zama ku chela maribye, a maribye ma nga ta enela
Kanilezvi loku u rangisa maribye, u tava ni wutshamu ga ku chela misava yo tala. Hi kufanana, loku u rangisa lezvi zvi nga “zva lisima nguvhu” wutomini ga wena, u ta salelwa hi cikhati ca ku maha zvin’wani
A ku gondza Bhibhiliya zvi tima tora ga hina ga ku lava ku tiva Nungungulu ni ku mu khozela. Lerani Matewu 5:3, mu gumesa mu bhula hi ciwutiso leci:
Hi vhunekisa kuyini loku hi rangisa a cigondzo ca hina ca Bhibhiliya?
5. Timisela loku u vhukelwa
Ka zvikhati zvo kari, a van’wani va nga zama ku ku tsikisa ku gondza Bhibhiliya. Wona a cikombiso ca Francesco. Bisani VHIDHIO, mu gumesa mu bhula hi zviwutiso zvi landzelako.
Zvini lezvi a vanghana va Francesco ni mamani wakwe va nga maha a cikhati leci a nga va hlawutela lezvi a nga kari a gondza?
I chachazelisilwe kuyini hi lezvi a nga timisela?
Lerani 2 Timote 2:24, 25, mu gumesa mu bhula hi zviwutiso lezvi:
A ngango wa wena ni vanghana va wena va zvi wonisa kuyini lezvi u gondzako?
Hi kuya hi mavhesi lawa, u ta kuyini loku a wokari a nga tsaki hi lezvi wena u gondzako Bhibhiliya? Hikuyini?
6. Tsumba Jehovha, i ta ku vhuna
Laha a wunghana ga hina na Jehovha gi yako gi kula, hi taya hi zvi lava nguvhu ku mu tsakisa. Hambulezvo, zvi nga tshuka zvi hi karatela ku cica wutomi ga hina hi hanyisa lezvi yena a zvi lavisako zvona. Loku u tshuka u ti zwisa lezvo, u nga mbheli ntamu. Jehovha i ta ku vhuna. Bisani VHIDHIO, mu gumesa mu bhula hi zviwutiso zvi landzelako.
Zvini lezvi Jim a nga cica wutomini gakwe kasi ku tsakisa Jehovha?
Cini ci ku tsakisileko nguvhu ka cikombiso cakwe?
Lerani Mahebheru 11:6, mu gumesa mu bhula hi zviwutiso lezvi:
Zvini lezvi Jehovha a to mahela “lava va mu hlotako hi mbilu yontlhe” kutani lava va ti karatelako ku mu tiva ni ku mu tsakisa?
U alakanya ku Jehovha i ti zwisa kuyini a cikhati leci a ku wonako na u ti karatela ku gondza Bhibhiliya?
LOKU A WOKARI A KU WUTISA KU: “Hikuyini u gondzako Bhibhiliya?”
U ta ku yini?
LEZVI HI NGA GONDZA
Hambu lezvi zvi kalako zvi nga olovi, a ku gondza Bhibhiliya zvi nga ku vhuna a ku uzwa litsako wutomini kala kupindzuka. Simama ku tsumba Jehovha, yena i ta ku chachazela.
Zviwutiso zva kuvhuxeta
Hikuyini a lisine li nga lomu ka Bhibhiliya li nga la lisima ka wena?
U nga zvi rangisisa kuyini a zvilo “zva lisima nguvhu” wutomini?
Hikuyini u faneleko ku kombela Jehovha lezvaku a ku vhuna ku u simama ku gondza Bhibhiliya?
GONDZA ZVIN’WANI
Gondza u tiva mune wa zvilo zvi vhunileko votala a ku ci tirisa khwatsi a cikhati cabye.
Wona lezvi Jehovha a nga mu vhunisa zvona a wasati wo kari loyi a nuna wakwe a nga kala a nga zvi zwisisi a ku hikuyini a ti karatelako ku tsakisa Nungungulu.
Jehovha wa hi nyika ntamu kasi hi rwala mindzhwalo ya hina (5:05)
Wona lezvi a wanuna wo kari a nga vhunekisa zvona hi kutimisela ka sati wakwe.
Ka zvikhati zvin’wani, a vakustumunyu va Jehovha va lumbetiwa ku va ava mingango. A ku lezvo lisine?
“A Vakustumunyu va Jehovha va hohlola mingango kutani vo yi tiyisa?” (Ndzima yi nga ka jw.org)