CIGONDZO 32

A Mufumo wa Nungungulu wa fuma!

Ka bhuku go gandliwa

A Mufumo wa Nungungulu wu sangulile ku fuma le tilweni hi 1914. Kuve ka cikhati leco kambe ku nga sangula a masiku yo gumesa ya mifumo ya vanhu. Hi zvi tivisa kuyini? Hi ta wona lezvi a Bhibhiliya gi nga sina gi wulile, ni lezvi zvi mahekako laha misaveni, ni matshamela lawa a vanhu va ma kombisako kusukela hi 1914.

1. Zvini lezvi a Bhibhiliya gi nga sina gi phrofetile?

Lomu ka Bhibhiliya, ka bhuku ga Dhaniyeli ku kombilwe ku a Mufumo wa Nungungulu wu wa ta sangula ku fuma kugumeseni ka cikhati ci vitaniwako ku i “7 wa zvikhati”. (Dhaniyeli 4:16, 17) Hi ndzhako ka cikhati, Jesu i wulawulile hi cikhati caleci ca cin’we a ci wula ku “cikhati ci yimisilweko ca matiko”, niku i gondzisile ku a cikhati leco ci wa nga se mbhela. (Luka 21:24) Kota lezvi hi to zvi wona, a 7 wa zvikhati zvi mbhelile hi 1914.

2. Zvini zvi mahekako laha misaveni, niku matshamela muni lawa a vanhu va ma kombisako kusukela hi 1914?

A vapizani va Jesu va no mu wutisa, vaku: “Ci tava cihi a cikombiso ca kuvakona ka wena ni ca kugumesa ka tiko?” (Matewu 24:3) Jesu i no va hlamula hi ku va byela zvilo zvo tala zvi nga wa ta humelela andzhako ka loku a sangulile kufuma le tilweni kota Hosi ya Mufumo wa Nungungulu. A zvin’we zva lezvi zvi nga wa ta humelela tiyimpi, ni tindlala, ni kutsekatseka ka misava. (Lera Matewu 24:7.) A Bhibhiliya kambe gi wa sina gi wulile ku a matshamela ya vanhu va ‘masiku yo kugumesa’ ma wa ta maha ku a wutomi gi ‘nonoha a ku gi timisela’. (2 Timote 3:1-5) A matshamela lawo ma sangulile ku woneka nguvhunguvhu hi 1914.

3. Hikuyini a misava yi nga biha nguvhu kusukela loku a Mufumo wa Nungungulu wu sangulile kufuma?

Cikhatanyana mahlweni ka ku Jesu a yimisilwe kota Hosi ya Mufumo wa Nungungulu, i nolwa yimpi le tilweni na Sathani ni madhimoni yakwe. Sathani i no hluliwa. A Bhibhiliya gi wula ku “i no hoxiwa lahasi misaveni, niku a tingilozi takwe ti no hoxiwa zvin’we naye”. (Kuvhululelwa 12:9,10, 12) Sathani i kwatile nguvhu hakuva wa zvi tiva ku i ta lovisiwa. Hikwalaho, i vanga kuxaniseka misaveni yontlhe. A zvi hlamalisi lezvi a matshamela ya tiko ma bihileko nguvhu! Kanilezvi a Mufumo wa Nungungulu wu ta mbheta a zvikarato lezvi.

GONDZA ZVI ETA

Wona ku hi zvi tivisa kuyini ku a Mufumo wa Nungungulu wu sangulile ku fuma hi 1914 niku lezvo zvi hi khumbisa kuyini.

4. A ciphrofeto ca Bhibhiliya ci komba ku a Mufumo wa Nungungulu wu sangulile ku fuma hi 1914

Bisani VHIDHIO.

VHIDHIO: A Mufumo wa Nungungulu wu sangulile ku fuma hi 1914 (5:02)

Nungungulu i mahile ku hosi Nebhukadnezare, wa Bhabhuloni wa kale, ava ni noro. Ka noro lowo, Nungungulu i no mu komba lezvi zvi nga wa ta maheka ka masiku ma nga hata. A noro lowo ni tlhamuselo wa kona lowu Dhaniyeli a wu nyikileko wu wa wula a mufumo wa Nebhukadnezare ni Mufumo wa Nungungulu. — Lerani Dhaniyeli 4:17.a

Lerani Dhaniyeli 4:20-26, mu gumesa mu tirisa a kwadru legi kasi ku hlamula a zviwutiso zvi landzelako:

(A) Zvini lezvi Nebhukadnezare a nga zvi wona lomu norweni? — Wona mavhesi 20 ni 21.
(B) Zvini zvi nga wa ta humelela a sinya? — Wona vhesi 23.
(C) Zvini zvi nga wa ta humelela andzhako ka “7 wa zvikhati”? — Wona vhesi 26.

Lezvi a noro wa sinya wu yelanisako zvona ni Mufumo wa Nungungulu

CIPHROFETO (Dhaniyeli 4:20-36)

Mufumo

• (A) Sinya ya hombe nguvhu

A nyima ku fuma

• (B) “Tsemani sinya” mu yi tsika “kala ku hundza a 7 wa zvikhati”

Cibho ca sinya ci bohilweko a bhandi ga simbi ni ga kobre.

A vhuxetela ku fuma

• (C) “A mufumo wa wena wu ta tlhela wuva wa wena”

Kutatisekeni ko sangula ka ciphrofeto leci . . .

(D) A sinya yi yimela mani? — Wona vhesi 22.
(E) I nyimile rini ku fuma? — Lerani Dhaniyeli 4:29-33.
(F) Zvini zvi nga humelela Nebhukadnezare kumbheleni ka “7 wa zvikhati”? — Lerani Dhaniyeli 4:34-36.

KUTATISEKA KO SANGULA

Mufumo

• (D) Nebhukadnezare, hosi ya Bhabhuloni

Hi hosi Nebhukadnezare a yimileko hi ndlela ya kutibyela.

A nyima ku fuma

• (E) Andzhako ka 606 A.E.C., Nebhukadnezare i no hlanya a nga zvi koti ku fuma hi 7 wa malembe yo kongoma

Hi hosi Nebhukadnezare a khizamileko lahasi aga byanyi a ku khwatsi cihari.

A vhuxetela ku fuma

• (F) A kupima ka Nebhukadnezare ku no wuyelelana, a sangula kufuma kambe

Hi hosi Nebhukadnezare a cuwukisako tilweni a tlakusile mawoko.

Kutatisekeni ka wumbiri ka ciphrofeto leci . . .

(G) A sinya yi yimela vamani? — Lerani 1 Kronekele 29:23.
(H) Va nyimile rini a kufuma? Hi zvi tivisa kuyini ku va wa nga fumi a cikhati leci Jesu a nga hi laha misaveni? — Lerani Luka 21:24.
(I) Hi kwihi, kona hi rini laha a Mufumo lowu wu nga sangulisa ku fuma?

KUTATISEKA KA WUMBIRI

Mufumo

• (G) Tihosi ta Izrayeli ti nga yimela a Mufumo wa Nungungulu

Tlhatamano wa tihosi ta ka Izrayeli ti tshamileko laha zvitshan’wini zva wuhosi. Miseve ya kuwonekela yi woningako hehla kabye.

A nyima ku fuma

• (H) Jerusalema a lovisiwa, ku nyima ku fuma a lixaka la tihosi ta Izrayeli hi 2520 wa malembe

I ndzilo wu hisako a Jerusalema hi 607 A.E.C. Andzhako ka lezvo, ku hundza a 2520 wa malembe.

A vhuxetela ku fuma

• (I) Jesu a sangula ku fuma tilweni kota Hosi ya Mufumo wa Nungungulu

Hi Jesu a fumako misava na a hi citshan’wini cakwe ca wuhosi le tilweni kusukela hi 1914 E.C. Miseve ya kuwonekela yi tlhavako na yi suka hi laha kakwe.

A 7 wa zvikhati cikhati co kota kwihi?

A zvipandze zvo kari zva Bhibhiliya zvi hi vhuna ku zwisisa a zvin’wani zvipandze zva gona. Hi cikombiso, a bhuku ka Kuvhululelwa gi wula lezvaku a zvikhati zvinharu ni khihlanya zvi ringana a 1260 wa masiku. (Kuvhululelwa 12:6, 14) A 7 wa zvikhati zvi wula 1260 a wuyetilweko kumbiri, lezvi zvi mahako a 2520 wa masiku. Lomu ka Bhibhiliya, ka zvikhati zvo kari a siku gi yimela a lembe. (Ezekiyeli 4:6) Hikwalaho, a 7 wa zvikhati zvi kumbukiwako ka bhuku ga Dhaniyeli zvi yimela a 2520 wa malembe.

5. A zvilo zvi cicile nguvhu tikweni kusukela hi 1914

Bisani VHIDHIO.

VHIDHIO: A tiko gi cicile kusukela hi 1914 (1:10)

Jesu i kombile lezvi a tiko gi nga wa ta tshamisa zvona andzhako ka loku a sangulile kufuma. Lerani Luka 21:9-11, mu gumesa mu bhula hi ciwutiso leci:

Ka zvilo lezvi, hi zvihi u zvi wonako na zvi maheka kutani u zvi zwako na zvi maheka?

Mupostoli Pawule i kombile lezvi a vanhu va nga wa ta tshamisa zvona ka masiku yo gumesa ya mifumo ya vanhu. Lerani 2 Timote 3:1-5, mu gumesa mu bhula hi ciwutiso leci:

Ka matshamela lawa, hi wahi u ma wonako na va ma kombisa a vanhu nyamutlha?

Mifota: Mifota yi kombako a matshamela ya tiko ni matshamela ya vanhu masikwini yo gumesa. 1. Murangeli wa masochwa a yimileko ka ciluvelo a bangulekako na a tlhakusile a mawoko yakwe. 2. Tiyindlu ti hohlokileko andzhako ka kutsekatseka ka misava. 3. Miavhiyawu ya masochwa. 4. Vanhu va bohileko mimaskara na va famba laha ruweni. 5. Matore yo fana le Nova York ma swako hi ndzilo andzhako ka ku dhumelwa hi vaterrorista. 6. Wanuna a tirisako madroga. 7. I nuna a mu kondlelako cibhakela a sati wakwe a tlhela a mu bhongela. 8. Madroga yo hambanahambana ni mabyala. 9. Vavasati vambiri va bohileko a tinguwo ta fexeni ni zvilo zva ku ti sasekisa hi zvona va ti susa a mufota hi fone. 10. I DJ a bisako muzka ka cipetakulo a vanhu va kina. 11. Munhu a mahako citereka a hoxelako a bomba ga gitsongwani.

6. Komba ku wa kholwa ku a Mufumo wa Nungungulu wa fuma

Lerani Matewu 24:3, 14, mu gumesa mu bhula hi zviwutiso lezvi:

I ntiro muni wa lisima nguvhu wu kombako lezvaku a Mufumo wa Nungungulu makunu wa fuma?
U nga hlengelisa kuyini ntirweni lowo?

A Mufumo wa Nungungulu makunu wa fuma, niku gi laha kusuhani a siku legi wu to fuma a misava yontlhe. Lerani Mahebheru 10:24, 25, mu gumesa mu bhula hi ciwutiso leci:

Zvini lezvi a mun’we ni mun’wani wa hina a faneleko ku maha laha hi wonako “a siku na gi tshinela kusuhani”?

Mifota: 1. Cigondzani ca Bhibhiliya ci nga mutlhanganweni wa Vakustumunyu va Jehovha. 2. Cigondzani caleci ca cin’we ci chumayelako a munhu ci tivanako naye. — Loku a wo tiva nchumu wo kari wa ku wu wa ta vhuna ni ku ponisa a wutomi ga van’wani, u wa ta maha yini?

A WOKARI A NGA HA WUTISA KU: “Hikuyini a Vakustumunyu va Jehovha va nge a 1914 i lembe ga lisima nguvhu?”

U nga mu hlamulisa kuyini?

LEZVI HI NGA GONDZA

A zviphrofeto zva Bhibhiliya ni matshamela ya tiko ma komba lezvaku a Mufumo wa Nungungulu makunu wa fuma. Hi komba ku ha kholwa lezvo hi ku chumayela ni kuva kona mitlhanganweni ya bandla.

Zviwutiso zva kuvhuxeta

Zvini zvi nga maheka kumbheleni ka 7 wa zvikhati lezvi zvi wuliwako lomu ka Bhibhiliya ka bhuku ga Dhaniyeli?
Zvini zvi ku kholwisako ku a Mufumo wa Nungungulu wu sangulile ku fuma hi 1914?
U nga zvi kombisa kuyini a ku wa kholwa ku a Mufumo wa Nungungulu makunu wa fuma?

Ndzi mbhetile a cigondzo leci hi dhiya:

Zama ku maha lezvi

Maha lezvi zvi lavekako kasi u ringanelwa hi kuva muhuweleli wa mahungu ya manene.

Zvin’wani:

Your other goal

GONDZA ZVIN’WANI

Wona lezvi a vatsali va matimu ni van’wani vanhu va wulako xungetano hi lezvi zvi humelelako tikweni kusukela 1914.

“A vanhu va sangulile rini a ku nga ha cheli kota hi milayo ya mahanyela?” (Khindlimuka!, Abril wa 2007)

Lera u wona lezvi a ciphrofeto ci nga ka Matewu 24:14 ci nga cicisa zvona a wutomi ga wanuna wo kari.

“Ndzi wa randza a basebol a ku hundza ni wihi nchumu!” (A Murindzeli N.° 3 wa 2017)

Hi zvi tivisa kuyini ku a ciphrofeto ci tsalilweko ka Dhaniyeli cipimo 4 ci wulawula hi Mufumo wa Nungungulu?

“A Mufumo wa Nungungulu wu sangulile rini ku fuma? — Xipanze 1” (A Murindzeli wa 1 ka Outubro wa 2014)

Cini ci kombako ku a “7 wa zvikhati” zvi kumbukiwako ka Dhaniyeli cipimo 4 zvi mbhelile hi 1914?

“A Mufumo wa Nungungulu wu sangulile rini ku fuma? — Xipanze 2” (A Murindzeli wa 1 ka Novembro wa 2014)

a Wona a tindzima timbiri to gumesa ti nga laha ka ku Gondza zvin’wani ka cigondzo leci.