Lezi Hi Nga Zi Wulako Hi Marevista

A Sentinela ga 15 ka Set.

“Nzi wa tsakela kuzwa mawonela ya wena xungetano hi lezi zi wuliwako laha. [Gonza Deuteronome 32:4.] Xana u tshuka u ti wutisa lezaku hikuyini ku hi ni kuxaniseka ko tala ni wubihi laha tikweni kasi lezo Nungungulu hi yena wa ntamu wontlhe ni kululama? [Rinzela hlamulo.] A revista legi gi tlhamusela a ku hikuyini Nungungulu a vumelele a wubihi lezaku gi simama kala masikwini ya hina.”

Despertai! ga Set.

“A wunyingi ga hina ha navela a wutomi gi nene ni go leha. Xana u alakanya lezaku a kuva ni mawonela ma nene ku nga zi kota a ku chukwatisa wutomi? [Rinzela hlamulo. Zonake gonza Mavingu 17:22.] A hloko ya mhaka leyi yi tlhamusela a ku hikuyini zi hi za lisima a ku hlakulela a mawonela ma nene.” Mu kombe a hloko ya mhaka leyi yi nga ka phajina 26.

A Sentinela ga 1 ka Out.

“Xana u tshuka u ti byela lezi, ‘a nzi navela ku ngha nzi mahile zo hambana ni lezi nzi nga maha!’? [Rinzela hlamulo.] Wona a ku hikuyini a zikhati zo kari hi mahako ziboho lezi hi nzhako hi ti layako. [Gonza Jeremia 10:23.] A revista legi gi tlhamusela lezi a wusungukati gi tirako legi gi kumekako lomu ka Biblia gi hi vunisako zona a ku maha a ziboho zi nene.”

Despertai! ga Out.

“Xana u alakanya lezaku a masiku ya nyamutlha ma bihile nguvu a kuhunza malembe ma hunzileko? [Rinzela hlamulo.] A vanyingi va alakanya lezaku hi hanya nzeni ka xikhati lexi ku wulawuliwako ha xona laha. [Gonza 2 Timote 3:1-5.] A revista legi gi nyika a mawonela yo kari ma tirako xungetano hi lezi a vapswali va nga vikelisako zona a vana vabye ka lava va hlotako ku va xakela hi ku hlengela navo masango.”