Lezi Hi Nga Zi Wulako Hi Marevista

A Sentinela ga 1 ka Jun.

“Hi mawonela ya wena, xana a wukhongeli gontlhe ga amukeleka ka Nungungulu? [Rinzela hlamulo.] Za hlamalisa lezi Nungungulu a nga ti zwisa zona a xikhati lexi a tiko ga kale ga Israeli gi nga sangula ku tirisa a makhozelela ya matiko lawa ma nga wa gi ranzele. [Gonza Ezekieli 6:6.] A nzima leyi yi hlamula a xiwutiso lexi, ‘Xana Nungungulu I Na Ni Mhaka Hi Lezi Hi Mu Khozelisako Zona?’” Mu kombe a nzima leyi yi sangulako ka phajina 9.

Despertai! ga Jun.

“Handle ko kanakana wa vumela lezaku a malembe yo ramba xikhati xo nonoha ka vanhu vaswa ni ka vapswali vabye kambe. Hi mawonela ya wena, xana a ku lanzela a wusungukati legi zi nga vuna a vapswali lezaku va chukwatisa a wuzikoti gabye ga kuwundla vana? [Gonza Jakobe 1:19, zonake u rinzela hlamulo.] Nzeni ka revista legi, u ta kuma a mawonela ma tirako, ma seketelwako ka Biblia.”

A Sentinela ga 1 ka Jul.

“Hontlheni ha zi tiva lezaku a ku felwa hi munhu loyi hi mu ranzekako zi bayisisa kuyini. Xana u alakanya lezaku a Biblia gi nga ku vuna ka zikhati lezo? [Rinzela hlamulo, zonake u gonza Tisimu 55:22.] A revista legi gi komba tindlela ta lisine to yimisana ni mhaka leyi, ti tlhamuselwako lomu ka Biblia.

Despertai! ga Jul.

“A vanhu va chadileko va yimisana ni mitshikelelo yi yako mahlweni yi tala, niku a vo tala va gumesa hi ku tlhatlha wukati. Hi mawonela ya wena, xana a ku lanzela a wusungukati legi zi wa ta maha lezaku a wukati gi humelela? [Gonza Mavingu 12:​18, zonake u rinzela hlamulo.] A revista legi gi tlhamusela a matshinya ya milayo yo kari ya Biblia lawa ma zi kotako ku vuna a vanhu va chadileko lezaku va tiyisa a kuzwanana kabye.”