Vahuweleli Va Mufumo Va Ranzekako

Hi amukelile a mahungu lawa hi ka Ravi ga Estados Unidos:

A ngango wa Beteli wu loba mandla hi kutsaka anzhako ka xitiviso xi nyikilweko ka wukhozeli ga ni mixo hi Muvulo wa 4 ka Fevereiro wa 2008. Xi waku ngalo: “Kumbheleni ka viki ga ha hi ku hunzako, a vawoneleli lava va rangelako mabandla va chikele na vata hi ka mabandla yo hambanahambana ya tiko gontlhe ga Estados Unidos. Zalezi va le Patterson kasi kuva kona ka turma yo sangula ya Xikola Xa Madota Ya Bandla.”

A zigonzani za ti buza hi kuva ni wuhlengeli gi akako ni ngango wa Beteli. Zi tlhela ziva kona ka wukhozeli ga ni mixo siku ni siku, zinwe ni kuva kona Xigonzweni xa A Sentinela xa ngango wa Beteli hi Muvulo ni wusiku. A xigava xo tlakuka xa xikola xi chikela hi siku go gumesa a xikhati lexi ku vekiwako tikanelo to hlawuleka hi xiro xa Kometi ya Ravi ga Estados Unidos ni xiro xa Hubye yi Fumako.

Ku amukelwa magezu yo tala yo bonga hi ka madota lawa ma gonzileko a xikola lexo. A makabye wo kari i te ngalo: “A ku tshama viki Beteli zi nzi tiyisile nguvu!” A munwani i tsalile lezi: “Zalezi nzi tizwa na nzi tiyisilwe kasi ku tatisa a wutihlamuleli ga mina na nzi hi ni kuhiseka kuswa.” A xikola lexi xi gonzisa a matshamela yo tsalangana ya ntiro wa vawoneleli lava va rangelako mabandla ni ku va maha va zi kota ku tirela khwatsi a zilaveko za bandla. (Miti. 20:28) Ha tsaka nguvu hi lezi Jehova a yimisileko a xikola lexi, niku hi rinzela ku amukela a vamakabye lava va ha tako.

Vamakabye va nwina,

Ravi Ga Moçambique