Lezi Hi Nga Zi Wulako Hi Marevista

A Sentinela ga 1 ka Novembro

“Zi wonekisa ku khwatsi a mingango yi yimisana ni mitshikelelo yi yako yi engeteleka. Hi mawonela ya wena, xana a mingango yi wa ta khumbekisa kuyini loku a ziro za yona zi wo zama ku pimanyisa a tshamela legi ga Jesu? [Gonza Mateu 20:28, zonake u rinzela hlamulo.] A nzima leyi yi tlhamusela a ntlhanu wa timhaka-tshinya leti a mingango yi nga ti gonzako ka xikombiso xa Jesu.” Mu kombe a nzima leyi yi sangulako ka phajina 16.

Despertai! ga Novembro

“Xana u alakanya lezaku a wukhongeli gi vuvumisa a liranzo ni kurula kutani gi kucetela a livengo ni tihanyi? [Rinzela hlamulo.] Zi wonekisa ku khwatsi a votala a va lanzeli a magezu lawa ya Jesu. [Gonza Mateu 5:44, 45.] A nzima leyi yi hlamula a xiwutiso lexi, Xana za koteka a ku ranza a valala va hina?” Mu kombe a nzima yi sangulako ka phajina 10.

A Sentinela ga 1 ka Dezembro

“Hi mawonela ya wena, xana Nungungulu i ta tshuka a mbheta a kuxaniseka tikweni legi? [Rinzela hlamulo.] Hi nga wona a xitsumbiso lexi xa Biblia xi hi nyikako kutsumba. [Gonza a wunwe wa mitsalo yi nga ka kwadru ka phajina 7.] A revista legi gi komba lezi a Biblia gi wulako xungetano hi siku legi Nungungulu a to mbheta a kuxaniseka kontlhe, niku i ta zi mahisa kuyini.”

Despertai! ga Dezembro

“A vokari va kholwa lezaku a wuako gontlhe gi lo vangiwa, kuveni a vanwani va alakanya lezaku gi lo tumbuluka hi goce niku zi wonekisa ku khwatsi a gi na kungo. Hi wahi a mawonela ya wena? [Rinzela hlamulo.] Wona a mawonela ya Biblia. [Gonza Maheberu 3:4.] A revista legi gi nyika a tlhamuselo wo zwala xungetano hi kutumbuluka ni kungo ga wuako gontlhe.”