Lezi Hi Nga Zi Wulako Hi Marevista

A Sentinela ga 1 ka Abril

“A mitsalo yo kari yi wula lezaku Jesu a nga fisangi lezi a Biblia gi zi wulako, kanilezi yi wula lezaku yena i lo chada a tlhela a pswala vana. Wa tshuka u zizwa ke? [Rinzela hlamulo.] Za lisima a ku tiva lisine. [Gonza Johani 17:3.] A nzima leyi yi nyika zigelo za kuva hi tsumba lezi a Biblia gi zi wulako xungetano hi Jesu.” Mu kombe a nzima leyi yi sangulako ka phajina 26.

Despertai! ga Abril

Gonza Tisimu 37:9-11, zonake u wutisa lezi: “Xana u alakanya lezaku a misava yi ta tshamisa kuyini loku a magezu lawa ma tatiseka? [Rinzela hlamulo.] A nzima leyi yi wulawula hi xiprofeto lexi xi tiyisako hlana, yi tlhela yi tlhamusela a xigelo xa kuva hi wona a kubiha ka hombe tikweni legi inyamutlha.” Mu kombe a nzima leyi yi sangulako ka phajina 20.

A Sentinela ga 1 ka Maio

“Xana wa tshuka u ti wutisa lezaku hikuyini Nungungulu a vumelelako a kuxaniseka? [Rinzela hlamulo.] Wona lezi a mutsali wo kari wa Biblia a nga xi vekisa zona kubaseni a xiwutiso lexi a vanhu vo tala va ti wutisako. [Gonza Tisimu 10:1.] A revista legi gi kambisisa lezi a Biblia gi zi wulako xungetano hi xigelo xa kuva Nungungulu a vumelela kuxaniseka ni lezi yena a mahako kasi a ku mbheta.”

A Sentinela ga Maio

“A votala va zi lava a ku tsika ku dzaha kanilezi za va karatela nguvu a ku maha lezo. Xana wa tiva wokari a lavako ku tsika ku dzaha? [Rinzela hlamulo.] A vokari wa zi wona na zi hi chukwana a ku tsutsumela ka vanghana ni ziro za ngango kasi va kuma xivuno. [Gonza Mutshawuteli 4:12a.] A revista legi gi xaxameta a mawonela yo kari ya lisima lawa ma zi kotako ku vuna munhu lezaku a tsika ku dzaha.”