A Ntamu Wa Biblia Wutomini Ga Wena

A Biblia gi kari gi vuna vanhu va timiliyoni lezaku va chukwatisa a wutomi gabye. Hi wahi a matshinya yo kari ya milayo ya Biblia lawa yaku loku hi ma tirisa, ma ta hi vuna a ku yimisana ni zikarato za xikhati lexi? Handle ko kanakana, u ta tsaka hi ku tiva a hlamulo wa xiwutiso lexi hi ku kambisisa a vidiyu ya wumbiri yi nge ngalo, A Bíblia: O Poder Dela na Sua Vida, yi nga ka DVD A Bíblia: Um Livro de Fatos e Profecias. Anzhako ka ku hlalela a vidiyu leyi, xana u nga hlamula a ziwutiso lezi zi lanzelako?

(1) Hikuyini a Biblia gi nga hiko bhuku ga gi nene ntsena ga zigonzo? (Maheb. 4:12) (2) Loku ku hi lezaku a Biblia ga zi kota ku vuna vanhu a ku chukwatisa wutomi gabye, hikuyini ku nga ni zikarato zo tala zi xanisako vanhu? (3) Hi yihi a hloko ya mhaka-tshinya ya Biblia? (4) Hi yihi a mitsalo ya Biblia yi kumbukilweko leyi yi zi kotako a ku vuna a mipatswa ya vatekani lezaku (a) yi chukwatisa a kubhulisana ka yona ni (b) kutikhoma? (5) Xana a mawonela ya muKristu xungetano hi wukati ma chukwatisisa kuyini a wutomi ga ngango? (Efe. 5:28, 29) (6) Xana Jehova i nyikisile kuyini a xikombiso xo mbhelela ka vapswali? (Mar. 1:9-11) (7) A vapswali va nga mahisa kuyini lezaku a xigonzo xa ngango xi tsakisa? (8) Ahandle ka xigonzo xa Biblia, xana a Mhaka ya Nungungulu yi kuca a vapswali lezaku va nyika yini a vana va vona? (9) Xana a wusungukati ga Biblia gi nga vunisa kuyini a mingango lezaku yi zi kota ku hanya hi mali yitsongwani? (10) Hi wahi a matshinya ya milayo ya Biblia xungetano hi kubasa, ku delela mimuri ya kulahlisa mapimo ni byala, ni kukarateka, lawa yaku loku ma tirisiwa, ma nga vuna ku hungula a zikarato za lihanyo? (11) Hi zihi a zitsumbiso za Biblia lezi zi zi kotako ku hi tiyisa hlana? (Joba 33:25; Tis. 145:16) (12) Xana a zigonzo zi nga Mhakeni ya Nungungulu zi ku vunisa kuyini wena wutsumbu? (13) U nga yi tirisisa kuyini a vidiyu leyi kasi ku vuna vanwani?