Zingerengere zimbirana

A yinwe ya tindlela ta ku seketela a Mufumo wa Nungungulu ku nyikela mali kasi ku yisa mahlweni a ntiro wa ku xumayela wa misava yontlhe. Ahati loku hihi zisiwana ke?

Ka siku go kari Jesu i wonile a noni ya xisiwana na yi chela a zingerengere zimbirana xikhwameni xa minyikelo laha tempeleni. Kota lezi a noni leyi yi nga ranza Jehova, yi lo susumeteka ku nyikela ‘zontlhe lezi yi nga hi nazo yi nga tsumba ku hanya hi zona,’ hambu lezi yi nga hi xisiwana. (Mar. 12:41-44) A kuza Jesu a wulawula hi mhaka leyi, zi komba lezaku a munyikelo wa noni leyi wu wa hi wa lisima nguvu mahlweni ka Nungungulu. Hi kufanana, a maKristu wontlhe zaneni ga malembe go sangula — yo ganya ni ya zisiwana — ma wa zi wona kota lungelo go hlawuleka a ku nyikela mali kasi ku seketela a ntiro wa ku xumayela. Mupostoli Paule i wulawulile hi xikombiso xa va le Makedonia lava hambu lezi va nga hi ‘wusiwaneni gi etileko va nga va khongotela nguvu lezaku va nyikwa a thomo ga ku nyikela hi matsenya.’ — 2 Kor. 8:1-4.

Hikwalaho, loku hi kota ku nyikela a ‘zingerengere zimbirana’ ntsena, hi nga rivali lezaku a zingerengerana lezo loku zi hlengeletwa zi tava mali yo tala. A minyikelo leyi hi yi mahako hi mbilu yontlhe yi tsakisa a Dadani wa hina wo hana wa le tilweni, hakuva “Nungungulu wa ranza loyi a nyikako na a xalele.” — 2 Kor. 9:7.