Zingheniso

Kasi ku sangula zigonzo za Biblia hi Mulongiso wo sangula wa Abril

“Hi kuca a vaakelani va hina lezaku va lera a Biblia gabye. Kanilezi a vanhu vo tala ve ngalo a Biblia ga karata ku gi zwisisa. Xana wenawu u zi wonisa lezo? [Rinzela hlamulo.] Wona lezi a revista legi gi wulako.” Mu kombe a nzima yi nga ka kapa ya lenzhako ya Murinzeli wa 1 ka Abril, u kambisisa naye a timhaka ti nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Abril

“A vanhu vontlhe hi bhulako navo va lwisana ni zikarato. Lezi zi maha lezaku a vokari va ti wutisa ku xana za koteka a ku kuma litsako wutomini ke. Hi mawonela ya wena, xini xi mbhetako nguvu litsako nyamutlha? [Rinzela hlamulo.] A Biblia gi tsumbisa lezaku lokuloku Nungungulu i ta fuvisa zikarato zontlhe hi kumanako nazo. [Gonza Kuvululelwa 21:4.] A revista legi gi tlhamusela lezi zi to maheka xikhatini xi tako, ni lezi hi nga kumisako zona a litsako hambu nyamutlha.”

Despertai! ga Abril

“Misaveni yontlhe ku na ni vavasati va xaniswako mingangweni yabye. A vokari ve ngalo lezo zi vangiwa hi mikhuwo ya wutshamu lego, lezi a munhu a wundlisilweko zona, ni zihungato za tihanyi. Hi mawonela ya wena, xini nguvunguvu xi vangako tixanisa leto? [Rinzela hlamulo.] A Biblia ga komba a kuhanyisana ku nene loku a nuna ni sati va faneleko kuva nako. [Gonza Va Le Efesusi 5:33.] A revista legi gi wulawula hi lezi a mipatswa yo kari yi zi kotisako zona a ku hanyisana khwatsi hi ku lanzela matshinya ya milayo ya Biblia.”