Zingheniso

Kasi ku sangula zigonzo za Biblia hi Mulongiso wo sangula wa Maio

“A vanhu vontlhe va maha zihoxo. Xana u tshuka u ti wutisa a ku xana Nungungulu a nga tsetselela munhu a mahileko zilo zo tshisa ke?” [Rinzela hlamulo.] Mu kombe a nzima yi nga ka phajina 15 ga Murinzeli wa 1 ka Maio, u kambisisa naye a timhaka ti nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Maio

“Hi tsakela kuzwa mawonela ya wena xungetano hi lezi zi wuliwako laha. [Gonza 1 Johani 4:8.] A vanhu vo tala va ma vumela a magezu lawa, kanilezi a vanwani va alakanya lezaku Nungungulu i na ni tihanyi hakuva wa vanga a timhango ta ntumbuluko, kutani ku ti vumelela hi wutsongwani ga kona. Wena ke, u zi wonisa kuyini? [Rinzela hlamulo.] A revista legi gi tlhamusela zigelo zo zwala lezi zi to hi vuna ku nga mahi a xihoxo xa ku alakanya ku Nungungulu i na ni tihanyi.”

Despertai! ga Maio

“Hi enzela a vaakelane va hina kasi ku bhulisana navo xungetano hi xikarato xi bayisako nguvu — ku nga wugevenga. A vokari va alakanya lezaku lexi xi lavekako kasi ku mbheta a wugevenga ku engetela a maphoyisa. Wena ke, u zi wonisa kuyini? [Rinzela hlamulo.] U wa zi tiva lezaku a Biblia ga tsumbisa a kumbhela ka wugevenga? [Gonza Tisimu 37:10, 11.] A revista legi gi wulawula hi xitsumbiso lexi gi tlhela gi komba a zilo lezi hi nga zi mahako kasi ku ti vikela ka wugevenga.”