Zingheniso

Kasi ku sangula zigonzo za Biblia hi Mulongiso wo sangula wa Dezembro

“A vanhu vo tala va rinzela a kuwuya ka Jesu. Loku Jesu a wuya, i nchumu muni u nga wa ta tsakela a kuva a wu maha?” Rinzela hlamulo. Mu kombe seno nzhako ka Murinzeli wa 1 ka Dezembro, u kambisisa naye a mahungu ma nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Dezembro

“Ka masikwana lawa a wutomi gi talelwe hi zilo laha ka ku zi nga tshuka zi karata ku ehleketa hi Nungungulu. U alakanya lezaku za lisima a kuva na Nungungulu wutomini ga hina ke? [Rinzela hlamulo.] Ka Kanelo yakwe ya le Xitsungeni, Jesu i wulile lezaku kasi hiva vanhu vo tsaka hi fanele ku khatalela xilaveko xa hina xa moya. [Gonza Mateu 5:3.] A revista legi gi tlhamusela a zigelo zinharu za ku hikuyini Nungungulu a lavekako wutomini ga hina.”

Despertai! ga Dezembro

“A kutala ka hina a mawonela ya hina ma seketelwa ka lezi hi zi zwako kutani ku zi lera ka zihaxa-mahungu. U alakanya lezaku a mahungu lawa hi ma amukelako ma tsumbeka niku ya lisine ke? [Rinzela hlamulo.] A Biblia gi hi kuca lezaku hi ti wonela mhakeni ya ku tsumba lezi hi zi zwako. [Gonza Joba 12:11.] A revista legi gi hi nyika mawonela yo kari kasi ku hi vuna ku hlola mahungu lawa hi ma zwako ni ku ma gonza.”