Lonzowota khwatsi a marevista ya kale

A marevista ya kale a ma na ku vuna munhu loku ma vekilwe kutani ma hoxilwe, hikwalaho hi fanele ku ti karatela ku ma nyikela. A revista ginwe gi nga maha munhu a tsakela lisine gi tlhela gi mu kuca ku vitana a vito ga Jehova. (Rom. 10:13, 14) Lezi zi lanzelako mawonela matsongwani ya ku lonzowota khwatsi a marevista ya kale.

• Loku u tira ka matshamu ma kalako ma nga tiriwi nguvu, u nga ha siya revista ka wutshamu gi faneleko mitini leyi u vumalako vanhu.

• Loku u xumayela ka matshamu lawa a vanhu va rinzelako zibhomba kutani zitimela, va wutise lezaku a va tsakeli ku kuma nchumu wo lera ke. Va kombe marevista yo hambanahambana ya kale, u va tsika va hlawula.

• Loku u tshuka u enzela matshamu yo hlazisa tinguwo, maklinika, kutani matshamu manwani xipanzeni xa bandla ga nwina, siya marevista yo kari ya kale laha a vanhu va tshamako va rinzela. A kutala ka zikhati zi nene ku ranga hi ku bhula ni loyi a wonelelako wutshamu lego, loku a hi kona. Loku u wona a marevista yo kari ma sinako ma hi kona laho, u nga siyi manwani.

• Loku u kari u ti longisela kasi ku maha maenzo yo wuyela, alakanyela a munwe ni munwani u lavako ku mu enzela. I na ni ngango? I ranza ku enza? I ranza zitsangi? Kamba marevista ya kale kasi ku wona lezaku a ku na nzima a nga yi tsakelako ke, u tlhela u ya mu komba.

• Loku u tlhela u kuma munhu wo tsakela anzhako ka kuva u mu vumele makhati yo hlaya, mu kombe a marevista ya kale lawa kuzilava a nga hiko nawo.