Zingheniso

Kasi ku sangula zigonzo za Biblia hi Mulongiso wo sangula wa Junho

“Hi ku enzela hi xikhatanyana kasi ku ta bhulisana hi xiwutiso lexi xa lisima.” [Mu kombe a xiwutiso xo sangula le nzhako ka Murinzeli wa 1 ka Junho.] “Hi wahi mawonela ya wena?” Rinzela hlamulo. Kambisisa naye a mahungu ma nga hasi ka xiwutiso xo sangula ni mutsalo wunwe hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Junho

“A kudzaha ku daya xipimo xa 6.000.000 wa vanhu hi lembe. Xana u alakanya lezaku ku nga mahiwa xo kari kasi ku hungula xikarato lexi? [Rinzela hlamulo.] A vanhu vo tala va vuniwa a ku tsika kutani ku potsa ku dzaha hi ku kambisisa mawonela ya Nungungulu hi mhaka leyi. Hi xikombiso, a vesi legi ga Biblia gi maha vokari va ehleketa hi lezi a kudzaha ku khumbisako zona vanwani. [Gonza 1 Va Le Korinte 10:24.] A revista legi gi tlhamusela lezi a ku kambisisa mawonela ya Nungungulu xungetano hi kudzaha zi nga kucisako zona vanhu lezaku va ku tsika.”

Despertai! ga Junho

“A longoloko wa ku maha vanghana ka Internet (redes sociais) wu maha vanhu va zi kota kuva ni lava va vitwako ku vanghana a ku hunza ni vahi va tshukileko vava navo. Hi mawonela ya wena, hi gihi tshamela ga lisima nguvu ga munghana wa lisine? [Rinzela hlamulo.] Wona xikombiso xinwe xa wusungukati ga wutlhari ga Biblia xungetano hi wunghana. [Gonza Jakobe 1:19.] A revista legi gi tlhamusela a mune wa matshinya ya milayo lawa ma nga hi vunako a kuva ni wumunhu legi a vanwani va nga wa ta gi lava kota ga munghana.”