Zingheniso

Kasi ku sangula zigonzo za Biblia hi Mulongiso wo sangula wa Setembro

“A vanhu vo tala va kholwa ka tingelosi. Wena ke? [Rinzela hlamulo.] Kota zivangwa za moya, a tingelosi ti na ni ntamu wa hombe nguvu, kanilezi u alakanya lezaku ti nga hi vuna? A Biblia gi hi byela lezi ti vunisako zona vanhu inyamutlha.” Mu kombe se nzhako ka Murinzeli wa 1 ka Setembro, u tlhela u kambisisa naye a mahungu ma nga hasi ka xiwutiso xo sangula ni mutsalo wunwe hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Setembro

“Xana u alakanya lezaku a vanhu va ta yi onhela magumo a misava? [Rinzela hlamulo.] Hambu lezi a vanhu va nga hiko na ntamu wa ku lungisa lezi va zi onhako, a Biblia gi hi byela lezaku Nungungulu i nawo niku wa xuva ku maha lezo. Hi kuma a xitiyisekiso xa lezo ka Tisimu 65:9. [Gonza.] A revista legi ga A Murinzeli gi tlhamusela lezi Nungungulu a to yi khatalelisa zona misava ni lezi hi nga ti buzisako zona hi makatekwa lawo ma tako. Nzi nga ku siyela a revista legi kasi u lera?”

Despertai! ga Setembro

“A vanhu vo tala va tirisiwako nguvu hi valungu vabye a va woni ndlela yo potsa tshikelelo ni kukarateka. A titlhari to kari ti wula lezaku a ku tira zi hunza mpimo zi nga maha munhu a djudjeka kupima, lezi zi nga vangako a zikarato za nyama ni za kutizwa. Xana u alakanya ku xini xi nga vunako munhu lezaku a hanya wutomi go ringanisela? [Rinzela hlamulo.] A hi wone a vesi legi ga Biblia gi tlhotlhako maalakanyo. [Gonza Mutshawuteli 4:6.] A revista legi gi tlhamusela a mune wa tindlela ti nga hi vunako a ku potsa ku tira nguvu laha ka kuza hi djudjeka kupima.”