Kombisa a ntamu wa Mhaka ya Nungungulu wutirelini ga wena

Loku a munhu a hi nyika xikhati xo mu bhulela mahungu yo saseka, hi lonzowota a lungelo lego kasi ku kombisa a ntamu wa Mhaka ya Nungungulu hi ku gonza mitsalo lomu ka Biblia ha goce. A mhaka leyi yi khanyisilwe ka siku ga mutlhangano wo hlawuleka wa lembe gi hunzileko. A muwoneleli wa xipanze i vekile kanelo yi nga hi ni hloko ya mhaka “Kombisa a ntamu wa Mhaka ya Jehova wutirelini ga wena.” Wa ha ti alakanya a timhaka-tshinya ta yona?

• Hikuyini a Mhaka ya Jehova yi nga ni ntamu nguvu ku hunza magezu ya hina? — 2 Tim. 3:16, 17.

• A Biblia gi khumba kutizwa ni maalakanyo, gi chukwatisa mixuvo, gi tlhela gi rangela mahanyela ya munhu hi ndlela muni? — Wona A Murinzeli wa 1 ka Junho wa 2012, p. 30, nzi. 7.

• Loku hi gonza mutsalo ni munhu wutirelini, zini hi nga mahako kasi ku yisa kupima kakwe ka Mhaka ya Nungungulu hi ndlela yi mu mahako ava ni xichawo hi yona? — Wona a bhuku Escola do Ministério, p. 148, tinz. 3-4 ni Wutireli ga hina ga Mufumo ga Março wa 2013, p. 6, nzi. 8.

• Hikuyini zi nga za lisima a kuva hi tlhamusela hi tlhela hi bhulisana hi mitsalo leyi hi gonzako, niku hi nga zi mahisa kuyini? — Miti. 17:2, 3; Wona a bhuku Escola do Ministério, p. 154, nzi. 4 kala p. 156, nzi. 5.