Vamakabye va fambisako xigonzo xa Biblia le Chile
Zingheniso
DESPERTAI!
Xiwutiso: A vanhu vo tala va lava ku hanya na va nga babyi. U alakanya lezaku hi nga maha yini kasi ku ti vikela mababyi?
Mutsalo: Mav 22:3
Mu nyike: A revista legi gi tlhamusela lezi hi nga mahako kasi hi ti wonela ni ku ti vikela mababyi.
GONZISA A LISINE
Xiwutiso: Hi Nungungulu a hi vangelako tixanisa kutani ti vangiwa hi nchumu wunwani?
Mutsalo: Job 34:10
Lisine: Nungungulu a nga tshuki a hi vangela tixanisa. Kanilezi, a tixanisa ti vangiwa hi Satani, hi vanhu va hlawulako ku maha zo biha, niku ka zikhati zinwani hi kuva ka wutshamu ga hava hi xikhati xa hava. Loku hi xaniseka, Nungungulu i kona kasi ku hi seketela. Wa khatala nguvu hi hina.
HIKUYINI U FANELEKO KU GONZA A BIBLIA? (Vidiyu)
Xiwutiso: Hi mawonela ya wena, hi Nungungulu a fumelako misava ke? [Rinzela hlamulo.] Lezi a Biblia gi zi wulako zi nga ku hlamalisa. A vidiyu leyi yo koma yi tlhamusela lezo. [Bisa vidiyu.]
Mu nyike: A xipimo 11 xa bhuku legi xi tlhamusela lezi zi mahako Nungungulu a nga valeli kuxaniseka ni lezi a xuvako ku maha hi kota ya kuxaniseka. [Mu nyike a bhuku Hi gonzise.]
TSALA XINGHENISO XA WENA
Wumba xingheniso xa wena wutsumbu xa ntiro wa simu, na u lanza a matshamela lawa ma kombisiwako laha hehla