“U zi kholwa ku chikela kwihi a zitsumbiso za Jehova?”

Joxua na Solomoni va tiyisile lezaku ku hava ni gezu ginwe ga Jehova gi nga kala ku tatiseka ka zitsumbiso zakwe. (Jox 23:14; 1 Tih 8:56) A wukustumunyu ga vavanuna lava vo tsumbeka gi nyika xiseketelo lexi hi nga akako ha xona kukholwa ka hina. — 2 Kor 13:1; Tit 1:2.

Jehova i zi tatisisile kuyini zitsumbiso zakwe masikwini ya Joxua? Wona zinwe ni ngango wa wena a vidiyu ‘Ku hava ni gezu ginwe gi nga kala ku maheka.’ Mu gumesa mu bhulisana hi ziwutiso zi lanzelako: (1) U nga ku pimanyisisa kuyini a kukholwa ka Rahabi? (Mah 11:31; Jak 224-26) (2) A xikombiso xa Akana xi tiyisisa kuyini lezaku a kungaingisi ha womu zi na ni khombo? (3) Hikuyini a vavanuna va le Gibeoni va nga khohlisa Joxua va tlhela va maha kurula ni vaIsraeli kuveni va wa hi tinhenha? (4) A gezu ga Jehova gi tatisekisile kuyini a xikhati lexi a ntlhanu wa tihosi ta vaAmoni ti nga dzukisela vaIsraeli? (Jox 10:5-14) (5) I ku vunisa kuyini Jehova laha u rangisako Mufumo wakwe ni kululama kakwe wutomini ga wena? — Mt 6:33.

Laha hi ehleketako hi lezi Jehova a hi maheleko, ni lezi a hi mahelako, ni lezi a to hi mahela, a kukholwa ka hina ka zitsumbiso zakwe ku ta tiya nguvu. — Ro 8:31, 32.