Hikuyini u gi nyikako lisima a wukhozeli go basa?

A vaJudha va nga hi wukhumbini va tiyisilwe hi muwoniso wa Ezekiyeli wa tempeli hakuva wu va nyikile kutsumba ka lezvaku a wukhozeli go basa gi wa ta vhuka. Ndzeni ka masiku lawa yo gumesa, a wukhozeli go basa ‘yimisilwe le cixungweni ca zvitsunga,’ niku hina hi cikari ka lava va yako citsungeni leco. (Isa 2:2) Wa ti nyika cikhati ca ku ehleketa hi lungelo u nga nago ga ku tiva Jehovha ni ku mu tirela?

MAKATEKWA MA TISIWAKO HI WUKHOZELI GO BASA:

• 

  Zvakuga zvo tala zva moya zvi hi nyikako mihlamulo ya zviwutiso zva lisima zva wutomi, lisima la ku hanya hi lezvi hi zvi gondzako, ni ku tsumba ko tiya hi wumandziko. — Isa 48:17, 18; 65:13; Ro 15:4

• Vamakabye va nga ni lirandzo misaveni yontlhe. — Lis 133:1; Jo 13:35

• Lungelo ga ku tira zvin’we na Nungungulu ntirweni wo tsakisa. — Mit 20:35; 1 Kor 3:9

• “Kurula ka Nungungulu” loku ku hi tiyisako loku hi kumana ni zvikarato. — Fil 4:6, 7

• Livhalo li basileko. — 2 Ti 1:3

• Kuzwanana ka hombe na Jehovha. — Lis 25:14

Ndzi nga zvi kombisisa kuyini lezvaku ndza gi nyika lisima a wukhozeli go basa?