Tsika kukarateka

Ka kanelo yakwe ya le Citsungeni, Jesu i te: “Tsikani ku karateka hi wutomi ga n’wina.” (Mt 6:25, NM) Hambu lezvi zvi nga zva ntumbuluko ka vanhu vo kala kumbhelela va hanyako ka tiko ga Sathani a ku va tshuka va karateka, Jesu i wa gondzisa vapizani vakwe lezvaku va potsa kukarateka ko hundza mpimo. (Lis 13:2) Hikuyini? Hakuva a kukarateka ku nga faneliko, hambu ku hi ka zvilaveko zva siku ni siku, ku nga hi hambukisa, ku maha lezvaku zvi hi karatela a ku lava Mufumo kuranga. (Mt 6:33) A mitlhamuselo yo engeteleka ya Jesu yi ta hi vhuna ku tsika kukarateka ku nga lavekiko.

• Mt 6:26 — Hi nga gondza yini hi ku cuwukisa zvinyanyani? (w16.07 6 ¶11-13)

• Mt 6:27 — Hikuyini a ku karateka ku nga faneliko ku mbhetako cikhati ni ntamu? (w05-T 1/11 22 ¶5)

• Mt 6:28-30 — Hi nga gondza yini ka makhon’wa ya khwati? (w16.07 6-7 ¶15-16)

• Mt 6:31, 32 — A maKristu ma hambene ni vamatiko hi tindlela muni? (w16.07 7 ¶17)

Zvini ndzi lavako ku tsika ku karateka hi zvona?