Engetela wutlhari ga wena kuchumayeleni — Tirisisa kartawu ga khero ga ku nghena hi gona ka JW.ORG

HIKUYINI ZVI NGA ZVA LISIMA?: A jw.org yonawu yi maha cipandze ca zvitiro zva ku gondzisa hi zvona. Hi lisine, a kungo ga hombe ga kartawu ga khero ni ciphephana leci ci nge: Hi nga yi kuma kwihi a mihlamulo ya ziwutiso za lisima za wutomi? ku yisa vanhu ka saite ya jw.org. U nga tirisa saite leyi kasi ku nyikela bhuku ga lomu ka muchini kutani ku mu chelela lomu ka e-mail yakwe. Lezvo zvi vhuna nguvhu loku u kumana ni munhu a wulawulako lirimi u kalako u nga li tivi. A cin’wani kambe, a vanhu va nga hi wutisa zviwutiso zvi kalako zvi nga hlamuliwi hi mabhuku lawa hi nga nawo. Kanilezvi loku hi nghena ka saite, hi nga wu kuma hlamulo wa kona hi ku hatlisa.

U NGA ZVI MAHISA KUYINI?:

• 

  Tirisa cipandze leci ci nge: “LEZI A BIBLIA GI ZI GONZISAKO.” Loku u chumayela mupswali a lavako mahungu yo engeteleka xungetano hi ku wundla vana, nghena ka cipandze LEZI A BIBLIA GI ZI GONZISAKO > WUKATI NI NGANGO.

• Tirisa cipandze leci ci nge: “MABHUKU.” Loku u chumayela hi citshuketi le cikoleni na u lava ku nyikela broxura legi gi nge: Mihlamulo ya 10 wa ziwutiso zi mahiwako hi vaswa, nghena ka cipandze MABHUKU > MABHUKU NI MABROXURA.

• Tirisa cipandze leci ci nge: “TIVA TIMBONI.” Loku u chumayela mutiri kuloni a lavako ku tiva zvokari hi lezvi a Timboni ta Jehovha ti zvi kholwako, nghena ka cipandze TIVA TIMBONI > LEZI VA TALAKO KU WUTISA.

WONA A VHIDHYU KARTAWU GA KHERO GA KU NGHENA HI GONA KA JW.ORG, U GUMESA U POLA LOMU U NGA NGHENAKO KONA LOMU KA SAITE KASI KU VHUNA:

• munhu a kalako a nga kholwi ku Nungungulu i kona

• munhu a nga welwa hi mhango

• makabye a holileko hi tlhelo ga moya

• munhu hi mu tlhelelako a lavako ku tiva lezvi a ntiro wa hina wu seketeliswako zvona

• munhu wa matiko wundle a lavako ku tiva wutshamu a nga nghenako kona mitlhangano le tikweni gakwe