A moya wa ku basa wu chululiwa hehla ka bandla ga wuKristu

2:1-8, 14, 37, 38, 41-47

A kutala ka vaJudha lava va nga hi ka Pentekosta ya 33 Nguveni ya Hina le Jerusalema va wata hi ka matiko man’wani. (Mit 2:9-11) Hambu lezvi va nga ingisa Nayo wa Mosi, kuzvilava va hanyile wutomi gabye gontlhe na va hi valuveli ka matiko man’wani. (Jer 44:1) Hikwalaho, kuzvilava va wa zvi kota ku wulawula khwatsi a tirimi ta matiko lawa va nga hanya ka wona, a ku hundza lirimi labye la ciJudha. A cikhati leci ku nga bhabhatisiwa 3000 wa vanhu va ngata hi ka matiko yo hambana, a bandla ga wuKristu gi no tekela kutala hi vanhu va midhawuko yo tala. Hambu lezvi va nga hi vanhu va midhawuko yo hambana, ‘a masiku wontlhe va waya tempeleni na va hi ni kungo gin’we’.— Mit 2:46.

U nga kombisa kuyini kukhatala ka lisine hi . . .

• vanhu va matiko man’wani lava va hanyako lomu cipandzeni ca wena?

• vamakabye va nga lomu bandleni ga wena lava va tako hi ka matiko man’wani?