TITSHOMBA TI NGA KA MHAKA YA NUNGUNGULU | VA LE GALATIYA 4-6
“Mufananiso” wu nga ni tlhamuselo ka hina
Mupostoli Pawule i tirisile a “mufananiso” lowu kasi ku komba lezvaku a civhumelwano ciswa ca hundza a civhumelwano ca Nayo. A vanhu vontlhe va rindzela a kutlhatlhisiwa ka ciwonho, kungambheleli, ka ku xaniseka ni kufa, hasi ka wurangeli ga lirandzo ga Kristu zvin’we ni zviga-tshomba-kulobye zva Mufumo. — Isa 25:8, 9.
HAGARI — A CITIRI CA CISATI Izrayeli wa civiri hasi ka civhumelwano ca Nayo loyi a tsindza ga kona ku nga hi Jerusalema |
SARA — WASATI LOYI WA KUTLHATLHEKA Jerusalema loyi wa le hehla, a cipandze ca le tilweni ca hlengeletano ya Nungungulu |
“VANA” VA HAGARI Vanhu va ka Judha (lava va nga tsumbisile ku ingisa Nayo wa Mosi) va alileko Jesu va tlhela va mu xanisa |
“VANA” VA SARA Kristu ni maKristu ma totilweko ya 144 000 |
VA MAHIWA TIKHUMBI TA CIVHUMELWANO CA NAYO A Nayo wu wa alakanyisa a vaIzrayeli va mabeleko lezvaku va wa hi tikhumbi ta ciwonho |
A CIVHUMELWANO CISWA CI NYIKA KUTLHATLHEKA A kukholwa ka lisima la muphahlo wa Kristu zvi maha ku hi tlhatlhisiwa ka ciwonho |