Tiwonele ku hangalasa mawunwa

Nyamutlha, a mahungu ma nga hangalaka hi ku hakisa ka vanhu vo tala nguvhu hi ku tirisa radhiyo, televhizawu, ni Internet. Lava va khozelako “Nungungulu wa lisine” a va lavi ku hangalasa a mahungu ya mawunwa hambu loku va nga zvi tivi ku mawunwa. (Lis 31:5; Ek 23:1) A mawunwa lawa ma wuliwako hi vanʼwani ma vanga kubayisa ka hombe. A chikhati leci u zamako ku pola lezvaku a mahungo yo kari lisine, ti wutise lezvi:

• A mahungu lawo mata hi ka munhu ndzi mu tsumbako? Kuzvilava loyi a nga wula a mahungu lawo a nga tivi zvontlhe zvi patsekako. Loku a vanhu va byela van’wani a zvilo handle ko kanakana va nga ha engetela zvin’wani ka mahungo lawo, hikwalaho ti wonele nguvhu loku u nga zvi tive ku a mahungu lawo mata hi kwihi. Hambu lezvi lava va nga ni malungelo lomu bandleni va woniwako kota zvibuka zva mahungu, va fanele ku ti wonela kasi va nga xwanyi mahungu yo kala ma nga hi lisine.

• A mahungu lawo mavalivali niku lisine? Loku a mahungu lawo ma patsa ku wulawula zva hava hi munhu mun’wani, zvi nene ku nga bhuli hi wona. — Mav 18:8; Flp 4:8.

• A mahungu lawo lisine ke? Tiwonele loku uzwa mahungu yo hlamalisa.

WONA VHIDIO U NGA MA POTSISA KUYINI MAHLEVO? U GUMESA U HLAMULA A ZVIWUTISO LEZVI:

• 

  Hi kuya hi Mavingu 12:18, i mhango muni leyi a magezu ma nga mahako?

• 

  Va Le Filipi 2:4, i hi vhunisa kuyini a ku ti wonela xungetano hi ku bhula hi van’wani?

• 

  Zvini hi faneleko ku maha loku a vanhu va sangula ku wulawula zva hava hi van’wani?

• 

  Na hi nga se sangula a ku wulawula hi van’wani, zviwutiso muni hi faneleko ku ti wutisa?