A vavasati va hombe va wone kota vamamani va wena, a vanhanyana kota vamakabye va wena

A Mitsalo yi hi byela ku hi wona maKristu ma kulileko hi tanga kota vamamani ni vapapayi va hina, lava va vatsongwani kota vamakabye va hina hi pswaliwako navo mamani ni papayi mun’we. (Lera 1 Timote 5:1, 2.) Nguvhunguvhu a maKristu ya cinuna ma fanele ku va kombisa cichavo ca hombe a maKristu ya cisati.

A makabye wa cinuna i wa nga ta tshuka a maha zvilo zva ku a makabye wa cisati a ti byela ku o mu navela kutani zvi nga wa ta maha ku a dhana mahlweni kakwe. (Joba 31:1) A makabye wa cinuna a nga chadhangiko i wa nga ta hlakana hi kutizwa ka makabye wa cisati a nga chadhangiko hi ku hlakana hi ku mu gangisa kuveni a nga lavi ku tekana naye.

A madhota ma fanele ku chela nguvhu kota loku a makabye wa cisati, loyi hi ndlela ya cichavo a wutisako zvokari kutani a ma byelako zvokari zvi faneleko ku khatalelwa. A madhota ma khatala nguvhu hi lava va nga hava vanuna kasi ku va vhikela. — Rute 2:8, 9.

SIXTIRA VHIDHIO KOMBISA LIRANDZO LI NGA FUVIKO LOMU BANDLENI — KA ZVISIWANA NI VAVASATI VA FELWEKO HI VANUNA, U GUMESA U HLAMULA ZVIWUTISO LEZVI:

• 

  A bandla gi kombisile kuyini a lirandzo la hombe ka makabye Myint?

• 

  A lirandzo leli a bandla gi kombisileko li nyikisile kuyini wukustumunyu lomu dhoropeni gabye?

• 

  A lirandzo leli a bandla gi kombisileko li va khumbisile kuyini a vanhanyana va makabye Myint?

Hi tihi tindlela ta ku kombisa lirandzo ni kukhatala hi vamakabye va cisati lomu bandleni?