Tolovela ku tirisa kupima ka wena

Kasi a mutsutsumi a simama kuva mutsutsumi wa mu nene, i fanele ku tshama hi ku trenara. Hinawu hi fanele ku ti karatela ku tolovela ku tirisa a kupima ka hina. (Mah. 5:14) Hambu lezvi ka ku hi nga tshamela ku pimanyisa lezvi a van’wani va nga maha basi, a mhaka yo tiya hi ku hi fanele ku gondza kuga marambu ya hloko, hi guma hi ti mahela zviboho ha hoce. Hikuyini? Hi ku mun’we ni mun’wani wa hina i ta ti hlamulela hi zviboho lezvi a zvi mahako. — Rom. 14:12.

A hi faneli ku ti byela ku lezvi hi nga ni malembe yo tala na hi bhabhatisilwe hi ta zvi kota ku maha zviboho zva zvi nene. Kasi hi maha zviboho zva zvi nene, hi fanele ku tsutsumela ka Jehovha, ka Mhaka yakwe, ni ka hlengeletano yakwe. — Jox. 1:7, 8; Mav. 3:5, 6; Mat. 24:45.

SIXTIRA VHIDHIO “MU FANELE KUVA NI LIVHALO LI NENE”, U GUMESA U HLAMULA ZVIWUTISO LEZVI:

• 

  Ciboho muni leci zvi nga lava ku Emma a maha?

• 

  Hikuyini hi faneleko ku tsika munhu a ti mahela ciboho cakwe ka zvilo zvi yelanako ni livhalo?

• 

  Wusungukati muni ga gi nene legi a patswa wo kari wu nga bhulela Emma?

• 

  Emma i gi kumile kwihi a wusungukati gi nga yelana ni ciboho leci a nga fanele ku maha?