TI TSITSIRITE NTIRWENI WA KUCHUMAYELA | ENGETELA LITSAKO LA WENA NTIRWENI WA KUCHUMAYELA
Tirisa feramenta ya hina yo kambisisa hi yona
Jehovha i hi nyika feramenta kasi hi gondzisa khwatsi, yo kota tivhidhio, zviphephana, marevhista, mabroxura, mabhuku, ni Bhibhiliya — gi nga gona a feramenta ya tshinya. (2 Tim. 3:16) I tlhela a hi nyika feramenta yo kambisisa hi yona kasi yi hi vhuna ku tlhamusela khwatsi a Mitsalo. A feramenta leyo yi patsa Watchtower Library, ni JW Library®, ni BHIBLIOTEKA YA SAITE ya Watchtower™, ni Bhuku go kambisisa hi gona ga Vakustumunyu va Jehovha.
Laha u tirisako a feramenta yontlhe leyo yi nga kona, u ta kuma litsako. A zvigondzani zva wena zvonawu zvi gondzise ku tirisa feramenta leyi. Laha zvonawu zvi to kuma mihlamulo ya zviwutiso zvabye, zvi ta tsaka nguvhu.
SIXTIRA VHIDHIO KUMA LITSAKO HI KU MAHA VAPIZANI — VHUMELA CIVHUNO CA JEHOVHA — FERAMENTA YO KAMBISISA HI YONA, U GUMESA U HLAMULA ZVIWUTISO LEZVI:
Zvini a nga wula Rosa xungetano hi zvivangwa?
Nina i ma kumile kwihi a mahungu ma nga tlhamusela mhaka leyo?
A zvo ku tsakisa a ku kuma tshomba yo kari ya moya u bhulela van’wani
Nina i hlawulisile kuyini a mahungu ma nga yelana khwatsi ni lezvi Rosa a nga wula?
Nina i ti zwisile kuyini andzhako ka loku a tirisile feramenta yo kambisisa hi yona?