MAHANYELA YA WUKRISTU
Zama ku tiva maalakanyo ya Nungungulu
Hi lava ku tsakisa Jehovha ka zvontlhe lezvi hi mahako. (Mav. 27:11) Kasi hi maha lezvo, hi fanele ku maha zviboho zvi kombako lezvaku ha ma tiva a maalakanyo ya Jehovha hambu loku ku nga hi na nayo wo kongoma kutani cileletelo ca ku hi rangela. Zvini zvi nga hi vhunako ku maha lezvo?
Gondza Bhibhiliya siku ni siku. Khati ni khati hi lerako Bhibhiliya, zvi fana ni loku hi no tshama na Jehovha hi bhula. Hi nga gondza hi maalakanyo ya Jehovha hi ku wona lezvi a va khatalelisako zvona a vanhu vakwe ni ku kambisisa a zvikombiso zva lava va mahileko zvazvinene ni zvakubiha mahlweni kakwe. Loku hi lava ku maha zviboho, a moya wo basa wu nga hi alakanyisa a zvigondzo zva lisima ni matshinya ya milayo lawa hi ma gondzileko lomu ka Mhaka ya Nungungulu. — Joh. 14:26.
Kambisisa. Loku u lava ku maha ciboho, ti wutise lezvi: ‘Mavhesi muni kutani matimu ya Bhibhiliya ma nga ndzi vhunako ku zwisisa lezvi Jehovha a ti zwisako zvona hi mhaka leyi?’ Khongela ka Jehovha u kombela lezvaku a ku vhuna. Tirisa a tiferamenta ta kukambisisa hi tona ti nga kona hi lirimi la wena kasi ti ku vhuna ku kuma ni ku tirisa matshinya ya milayo ya Bhibhiliya lawa ma yelanako khwatsi ni ciyimo ca wena. — Lis. 25:4.
SIXTIRA VHIDHIO HI FANELE KU TSUTSUMA HI KUTIMISELA — GANA ZVAKUGA ZVI NYIKAKO WUTOMI, U GUMESA U HLAMULA ZVIWUTISO LEZVI:
Cikarato muni leci a makabye loyi a kumeneko naco?
U nga ti tirisisa kuyini a tiferamenta ta kukambisisa hi tona kasi ku ku vhuna ku lwisana ni cikarato co fana ni leci?
Hi vhunekisa kuyini hi ku ti nyika cikhati ca ku kambisisa ni ku maha cigondzo ca hina wutsumbu lezvi zvi nga hi vhunako ku maha zviboho zva zvinene? — Mah. 5:13, 14