Ti vekele mixuvo ka nguva leyi ya Cialakanyiso

Lembe ni lembe, a vanhu va Jehovha va gi rindzela hi mahlo yo pswhuka a siku ga Cialakanyiso. Ndzeni ka mavhiki ya mahlweni ni lawa ma landzelako andzhako ka Cialakanyiso, hi londzowota a tindlela to hlawuleka ta ku mu nyika wudzundzo Jehovha ni ku mu bonga hi kota ya cinyikiwo ca hakhelo ya kutlhatlhisa. (Efe. 1:3, 7) Hi cikombiso, hi ramba vanhu hi mbilu yontlhe lezvaku va tava na hina ka Cialakanyiso. A vokari va zvi kota ku cica zvokari kasi zvi koteka ku va teka wuphayona go vhunetela na va hi ni kungo ga ku tira 30 kutani 50 wa tihora kuchumayeleni ka tihweti ta Março ni Abril. Xana u wa ta zvi tsakela a ku engetela a cikhati leci u ci mbhetako ntirweni wa kuchumayela ka nguva leyi ya Cialakanyiso? Zvini zvi nga ku vhunako ku maha lezvo?

A kutala ka zvikhati, zva koteka ku hi maha zvotala loku hi ranga hi maha makungo. (Mav. 21:5) Kota lezvi a nguva ya Cialakanyiso yi tshinelako hi kuhatlisa, zvezvi cikhati ca ku hi sangula ku maha makungo. Ehleketa hi lezvi u nga engetelisako zvona a ntiro wa wena ka nguva leyi ya Cialakanyiso u tlhela u ehleketa hi lezvi u nga mahako kasi u tatisa a mixuvo ya wena. Andzhako ka lezvo, kombela Jehovha lezvaku a katekisa a kutikarata ka wena. — 1 Joh. 5:14, 15.

Ehleketa hi tindlela to kari u nga engetelako hi tona a ntiro wa wena wa kuchumayela ka nguva leyi ya Cialakanyiso.