TITSHOMBA TI NGA KA MHAKA YA NUNGUNGULU

‘A mbilu ya mina yi tava lomo contlhe cikhati’

Jehovha i no ti hlawulela tempeli (2 Kro. 7:11, 12)

A mbilu ya Jehovha yi wa tava lomo contlhe cikhati, zvi kombako lezvaku i wa ta khatala nguvhu hi lezvi zvi nga wa ta mahiwa lomu ka yindlu leyo yi nga yelana ni vito gakwe (2 Kro. 7:16; Sentinela 15/11/02 paj. 5 par. 1)

Loku a vanhu va nyima ku famba mahlweni ka Jehovha ‘hi timbilu tabye tontlhe’, Jehovha i wa ta tsika a tempeli yi lovisiwa (2 Kro. 6:14; 7:19-21; Perspicaz vhol. 2 paj. 1093)

Mifota: Tindlela to kari ta ku khozela Jehovha: 1. Makabye a khongelako. 2. Makabye a hlamulako mutlhanganweni wa bandla. 3. I nuna ni sati va tirako zvin’we kuchumayeleni. 4. Makabye a basisako lomu Salawini ya Mufumo. 5. Makabye a nga ni sati ni vana vakwe va vambiri a fambisako wukhozeli ga Ngango. 6. Makabye a lerako Bhibhiliya. 7. Makabye a chelako munyikelo lomu ka kaxa ga minyikelo.

A cikhati leci a tempeli yi nga kanguliwa, a vanhu va wa alakanya lezvaku contlhe cikhati va wa ta khatala nguvhu hi wukhozeli gabye ka Jehovha. Leci ci nga tsakisiko, hi ku a vanhu hi kutsongwani-kutsongwani va no mbhelelwa hi kuhiseka kabye wukhozelini ga Jehovha.

TI WUTISE LEZVI: ‘Ndzi kombisa kuyini lezvaku ndza khatala nguvhu hi wukhozeli ga mina?’