MAHANYELA YA WUKRISTU

Vhuna vanhu va kalako va nga khongeli a ku tiva Muvangi wabye

Wa tshuka u kanakana ku chumayela vanhu va nga kholwiko, na u ti byela ku va nga ta tsakela ke? Loku zvi hi lezvo, alakanya lezvaku ku ni vanhu vo tala va nga kala va nga kholwi va nga gumesa vava Vakustumunyu va Jehovha. A kutala kabye leci va nga ci lava ku vhuniwanyana ku wona lezvaku hakunene Nungungulu i kona. — Rom. 1:20; 10:14.

SIXTIRA VHIDHIO ALAKANYA LEZVAKU A VANHU VO KALA KUKHOLWA VA NGAVA NI KUKHOLWA! — VANHU VA KALAKO VA NGA KHONGELI, U GUMA U HLAMULA CIWUTISO LECI:

A tshango ga Tommaso gi ku vhunisa kuyini kuva ni mawonela ma nene hi ku chumayela a vanhu va nga kholwiko?

Hlamulo wa wena

Lezvi u nga mahisako zvona

Loku a munhu a ku a nga kholwi ka Nungungulu, kombisa wunene ni cichavo, u tlhela u mu komba ku wa khatala futsi hi mawonela ni kutizwa kakwe ka mhaka leyi. (2 Tim. 2:24) Wulawula hi zvilo zvi wonekisako ku zvi ta mu tsakisa. Loku a tlhatlheka ku bhula hi lezvi zvi nga vhuna van’wani a ku wona lezvaku hakunene a zvilo zvi no vangiwa, tirisa mahungu ni tivhidhio ti wulawulako hi lezvo. A broxura, Será Que a Vida Teve Um Criador? ni A Origem da Vida – Cinco Perguntas Que Merecem Resposta, ma engetelwe lomu ka Feramenta ya ku gondzisa hi yona, kasi zvi olova ku ma kuma.

Loku u zvi alakanyela ku chumayela munhu a nga kholwiko ka Nungungulu zvi nga tshuka zvi ku vangelanyana cirami. Zvi ngo yini ku kombela muhuweleli wo buvha a ku vhuna? Alakanya kambe lezvaku Jehovha a nga ku vhuna ku khumba mbilu ya vanhu va timbilu ti nene — hambu loku kusanguleni va nga kholwi ku i kona. — Miti. 13:48.