Tshama na u khindlimukile hi ku gondza zvi eta

Lera Danieli 9:1-19 kasi ku wona a lisima la ku gondza zvi eta.

Hlola mongo wa kona. Zvini zvi nga ha hi ku humelela, niku zvi mu khumbisile kuyini Dhaniyeli? (Dan. 5:29–6:5) Loku ku wa hi wena Dhaniyeli na u ti zwisile kuyini?

Gondza zvi eta. “Mabhuku [muni] yo basa” lawa kuzvilava Dhaniyeli a ma gondzileko? (Dan. 9:2; Murindzeli 08.23 paj. 4 par. 7) Hikuyini Dhaniyeli a nga wulela zviwonho zvakwe ni zva tiko ga Izrayeli? (Levi 26:39-42; 1 Tih. 8:46-50; Profecia de Daniel paj. 182-184) A mukhongelo wa Dhaniyeli wu kombisile kuyini lezvaku i wa gondza zvi eta a Mhaka ya Nungungulu? — Dan. 9:11-13.

Ehleketa hi lezvi u zvi gondzako. Ti wutise lezvi:

• ‘Zvini ndzi nga mahako kasi ndzi nga jujeki kupima hi lezvi zvi humelelako lomu tikweni?’ (Mika 7:7)

• ‘Ndzi nga vhunekisa kuyini hi ku gondza zvi eta a Mhaka ya Nungungulu a ku fana na Dhaniyeli?’ (Sentinela 01/08/04 paj. 12 par. 17)

• ‘Zvini ndzi nga gondzako hi zvona zvi nga ndzi vhunako a ku ‘tshama na ndzi longile?’ (Mat. 24:42, 44; Murindzeli 15/08/12 paj. 13 par. 7-8)